E meina de tos omes meilors a tei
E non cuidaz uos mige ſinos plaidei
Com on deit faire conte d’ uōre lei
Nol feran diſt girar ſe d n̄͞o mi uei
Que i aimes dreit faire aſſa maiſon
Eiſi con tes lignages lo fes au ſon
Meneſ enſenble o uos conte boſun
E ſeigin cel uiſconte de beſencon
E menez dū folcher lo marcaucon
E menez ꝑ oſtages cōte fulcon
E tal cent cheualers qui ſient bon
E ne laiſat uos giens por aucaiſon
Caiqui ſerūt ſei home e ſei baron
Qui orunt de ton dreit ſi las o non
E nō dotaz uos mige de meſp̃ſon
Que mon ſegner en face tꝛiſon
Quel nō ſen penſerie ꝑ deu del ton
Sil doniaz daur qui ez aitant mangon
Com on porie metre dinz cel danion
Peires uai erberiar ob aimenon
Quan para lo matin li ſolz el to.
Te dirai del ānar ú oc ú non
Ob un ome ben ſaiue coite ele doih
De mes li dona aimes ben diſoih
Piment e uin e ueles e pan beſchoih
A tal ome qui ſat gēt conrear
Son cheual e ſon mul fait eſtablar
Son oſberg e ſon elme eſtoiar
Quant tables ſunt garnides e uunt maniar
De li car de cabrol e de ſanglar
E mante uolatire e peis de mar
De li piment a beure e bū uin clar
E peires fun toz las de cheualgar
E quāt lit ſunt garni e uait coiar
Dec li una doſele a taſtonar
Cele nout ſe iat peire tru au ior clar
Quel ſe ueit ueſtir e gen chaucar
Pois ennet al monſter meſe eſcoutar
E girarz ſos barons a fait mandar
En une cambre uouta de mur cauceina
A mandat los barons daquel reina
Non ſat bon cheualer qo lui ne ueina
Segor qui ſat conſel gart nō ſen feina
Vers carlon mon ſegnor cō mi conteina
Non quide de ma tˉre laiſar enſeina
Gillelmes doſteun celar nol deina
Vai far dreit ton ſeinor tal qa ſaueina
A rains o a ſeſons o a conpeina