E ac aſt e lance de berengier
El non menat a ſei plus conpainer
Cacelin ſon nebot lo fil aſcher
Aicel li menera ſon bon deſtrer
Vn cheual lor bauzan de balager
Non a en tota france tant eſtrader
Com prez o lui ꝑ corre mige un ſomer
E at tal frein el cap mellor n̄ quer
Hanc n̄ ueiſtes tant bon ne ſi leger
An larcon de la ſelle e la leuer
Furent de uaires gemmes neſ leſtreber
Endamiac lo feire lomenucer
A carlun laporterent marcader
Aiches adous au peires doliuer
Nes pout meuz enpleiiar en tot lemper
Cheual e mul a bon e garnement
Qui ual aſſaz des autres mais de cent
Peires uint en la ſale o a gant gent
Des barons de la terre mais de ſet cent
Dun eueſque e dun cont funt iugemē̄t
Lo reis eu faudeſtue de mer argent
Peires fu a ienouz ml’t couinent
Er uuel que diiaz u͞r͞e talent
Que manderez au conte uoſtrecient
Volentiers co diſt carles un pau matent
Aico que te dirai fort e entent
Carcem n̄ uaut meſſage qui om meſprēt
Co me direz au conte dan girart
Quel me uienie dreit faire a mont aſcart
A reins o a ſeis ons a ſan meart
Au iuiement del conte dan ricart
O del gazon de drous o del brocart
Ameint o ſei ſegin e dun bernart
Folcher lo mareſcau[c]on del felon art
Melz neſ pout nus conduire de mei part
Que tu poz far ſe uout ſeinu regart
Lo me diraz au conte que eu li mant
Quel uienie dreit faire a mon talant
Top me uait malement toſtens menant
E peſera me ml’t de ſer enant
Met ten peires dis carles por mei engant
Eu men uauz co diſ el toz conreant
E donez mei coniat que remanant
eires paraula au rei coniat en prent
E des autres baruns fai enſement
Eiſie de la ſale e ſen deſcent
E a fait a ſon paire bref parlement
E li filz lo baiſet par ſen rient
Li paire lo comande de bon talent
A deu lo redentor om̄ipotent
E monten cheualer entres ca cent
Ouident annar a lui il lor defent
