Mais ꝓueize e ualor e uaſſalage
E lui ac ceualier muntiſme bon
E ac mais de cent anz portat bliſon
E fu ben ꝓu derlin au rei carlon
Vna reins ſegnier reis n̄ ſat giſ bon
Quentrei tei e girart aie tencon
Ne tu a tort ia retes tun baron
E tro ke ſaches primers la meſpreiſun
Mais creez la paraula dan naimon
E aco que te loent tuit ti baron
E trametez au conte au roſſillon
Quel te uienge dreit faire en ta maiſon
Aiſſi con ſes liz naies lo fes au ton
E ameint ꝑ oſtages conte folcon
E boſun e ſeguin de beſſencon
E taus cent cheualers chi ſient bon
E ſi faire nel uol edie e uonn
Non creire pois conſeil ke lon te don
Tros que manois lo tienges en ta piſon
E carles quant loit ml’t li ſat bon
E a en apelat a ſei peiron
Lo fil gauter au ſaiue al fraire alon
Cil furent fil tebert de ualbeton
Peires tu men iras a roſſillon
A don girart contar iſtei razon
Exendirai diſt peires breu ſermon
Lo matin quāt parra labe del tron
Digent quaquele noit at ſoiornat
Aſ lo ras e tonduz e gen bainat
Anz que ueiſt lo die eſclairat
Jl a ſos dras ueſtiz e uel chaucat
A la guiſe de france ſi conreat
Que quant uos ou aurai dit e cōtat
Vos no lo tendres mige a paubretat
Anc nō ueiſtes nul drap tam ſe delil
Vers aquel uoil teinaz treſtot ꝑ uil
E furent li caucō des aquel fil
Soulars uermels a flors chi ſunt dedan
E cauca unes hoſes de corduan
Eſꝑuns dargent mer at os bauzan
Daico non ai eu ſom ſeu men uan
Car en la cort al conte o el iran
Nul tan ben conreat lai nō auran
Ben entaillaz a beſtes de marmorin
Afublat un mante freis cenbelin
La uouſure dun paile nou porprin
A canel e beton de mer or fin