Venunt a la cort carle ſiſſa iudeus
Car girarz uol auer laus toz cenceus
E cil i ſunt uengut per qui tramos
Fulcho li quez guillelmes e iofres
Ere fu li conſel de nou repres
En la cambre ques uouta al cap del des
Qui fu encortinade de pailes fres
Ses en un faudeſtol carleſ lo reis
Conſel quert de boſon car far le nes
Premers parle bernarz de leones
Don mandes par girart qua uos uengues
A ſei ameint boſun qui droit feſes
E ſel faire nel uol non te caut ges
Mais mandes u͞r͞e genz ſemp̃̃aiquies
Aſeiaz uaucolor ſendemanes
Mar i remanra tor ne mur cauces
Se boſun poden prendre lo marques
En fazeç tau iuſtiſe con iuia es
E carles reſpondet ſiner marces
Conſella mei ſeinor quui i enuei
Don gacon ſel uiſcon o dan gofrei
E ſe uoles ꝑun de munt r(abe)i
(C)harles lo fes uenir ſenz deuant ſei
Seiner au roſilon meſtot queuei
E me direz dgirart que ueine a mei
E ſi mament boſun qui face drei
E ſe fraire nel uol que ſen fenuei
Ja ne uera paſſat de mai lo mei
Queu li monſtera del meus tal eſlaudei
Que nol remandra uine non leſtꝛpei
Ne fontane ne pouz que nō caucei
Vna ren pout nodar en ſon correi
Vnc mais not tant grant gere nuſ conſ a rei
Apres parlet dans haimes de uaugruage
Paires fu carbone[l] de mont briſage
Don non mandes girart tal eſfraage
Tremetes bonement uoſtre meſſage
Quel uos uegnem dreit fare a ur̄e eſtage
Si com ferent li ome de ſon linnage
E ſe ſegre le uol ꝑ bon oſtage
Non por perdes del conte u͞r͞e omenage
Nel ne ꝑde de uos ſon ſennorage
E ſe li cons l[o] lait ꝑ ſon folage
Vos mandes u͞r͞e gēt ꝑ gant barnage
Ja ne derez tenir ꝑ guiūnage
Que uos ſai ben menar tot lo ueage
E porprennez ſa terre plan e boſcage
Ja ne uos en mouez por enuiage
Tru tort quel uos a fait uos dat bon gage
Mais cil qui la ira non ait folage
Nō aie coardie ne uolpillage