Venren cau la ferent ciſt uantador
La maiſnade girart ꝓfolador
Cont les cheuaus mouens e corador
Eu men fi tant en deu le rei celor
Se uenem en igal li noſtre en lor
Sempre i auront cil un de mort poor
Fu lains au conſel en pez leuet
Car ce fu cheualers qui gent parlet
E qui det bon conſe qui len cꝛeet
Se girarz dan boſon cai amenet
Cant bos ociſt teiri girart peſet
El nes ſot ne nel uolt nel conortet
N puis daquel meſfait nol recetet
Non deit ꝑir girarz ſe bos pecet
E li reis quant lauit ſe ſerasquet
Diſt pouſtele en la barbe quil ſen penſet
E qui melz ne le ſot qui dreit iuget
Mon auer a girarz que el menblet
Car trameſt le lairon qui len portet
E de lui nuit li laires e la tornet
Ꝑ tant a cort girarz la cors iuget
Ales de uaubeton plus ne parlet
A lei de franc riche ome qui delis bien ſav
A ſegner reis de france mene ou egav
Retien ton baron ome ton naturav
Sel te uolt faire droit ſel te fait mav
E laiſſe eſtar doble e pren lo catav
Se dex ten cors aloigne e fait uidav
Melz uaudra li ſeruizes de ton uaſſav
Ne funt daur cuit cargat .xxx. cheuav
Dehe ait co diſt carles qui de lui cav
Filz a putein ꝑiures filz de iaſav
Ne meſtordra girarz ſe puis atav
Don dirai uos un pau de mon aruir
Om qui dꝛit ſat iuiar n̄ dei mentir
Non deis ton lige ome quiſ uos ſeruir
De gerre eſcometre naahatir
Mais manda la ta cort a tei uenir
E ſel ſe pot ſaluar e eſcondir
Non doit mige girarz ꝑ cou perir
Ne no deus en ta colpe de tei partir
E mantec ſa razon e eſſaucere
Car co fun cheualers qui gent parlere
E qui dex bun conſel qui len credere
Car la paraule alon dirai onquere
Se girarz dun boſon calamenere
Quant boſe ociſt teiri gerart paſere