Eu ne ſai ſegner reis queu men mentis
Se bos deſcarpion teuri aucis
E girarz ne le ſot nel conſentis
Sel ſen pot eſcondire co mes auis
Nen deit ꝑdre une aune de ſon pais
Par mon cap co dis carles cainc tal auis
Eu ne demant au plus mais ſen garis
Mais el ne le pot faire ꝑ tot paris
Dunt ne ſai eu diſ el queu mendeſis
Que dacheſte razon nen ait meſpis
Por girart uos ou di mon bauzador
Qui ſol a mei auer tan grant amor
Cant eu ne me gardaue de ſa folor
Si ma fait tan grant onte e deſonor
Mort ma teiri daſcane mon dru mellor
Cui dei eu e mi fraire n͞r͞e ſeror
Ꝑ tant uos en requer conſel ſegnor
Car eu lai tot ꝓuat a traitor
Ne laiſſerai a toudre caſtel ne tor
No remandra mon grat un maz donor
Por deu qui ſat conſel car ou me dun
De girart aquel conte de roſſillon
Car le ior qot maniat en ma maiſon
Si conſenti la mort de mon baron
Del duc tieri a far la traicion
Quen ma cort le mant mort les mās boſun
Jl nen a cheualer ne mal ne bon
Que ſil len deſdiſie un mot que non
Quen nel ꝓuaſſe ſempes a mau felon
A lai de iouene ome de prin conſel
Don ſe girarz uos bauſe ne mereueil
Sos paires e ſos aiues toſtans fu kel
Mais mandaz u͞r͞e gent to a clarmel
De giterne en france to a creel
E cheuaugent treſtuit ab un ad el
Se trobent fort caſtel en plan caumel
Nō facant la bataille ſempres ab el
E la duizuns la tant ꝑ deu donzel
Que facanz canp de ſanc tꝛſtot uermel
Qui tobera girart gart ne ſomel
Mais rooint li la teſte ſos le cabel
Puis annen erberiar a mont aſpel
Tolent li roſſillon e ſaint maurel
Ne feras oian fin per mon conſel
Tro laies confundut lui e amel
De mei ne de girart ne ſai le ior
Mais ere uenra mais apres paſcor