Poierent en la ſale ꝑs eſchalons
En la cambre ques uoute traz lo cratons
Tal aueir emblent carle ꝗ ml’t fu bons
Treis cens enas en portent de taus facos
De lobre que fait faire reis ſalemons
E lelme e la breine que ait meirons
Que tout reis alixandres aſturchions
A carlon fu contade iſte razons
Au matin quant uenie deſ oraizons
E carles iuret deu qui eſt li trons
Quil confundra coars e cogocons
E oc girart ꝑ mon e ſes glotons
Si non rent ſon auer e les lairons
Ne remandra uaus rubeſ ne beſencons
E ac aui la meſſe a ſaint maureil
Puiſ eſ ſen fors iſſuz de ſoz un teil
En la cambre ques uoute dinz le denteil
Qui fu de marbre creuc blanc e uermeil
La nes intraz li reis e ſeu feeil
De girart lor demande a toz conſeil
Tote eſt uoute e cuberte de bon metav
E eſt painte a muſec gent par egav
A marabit en ſunt li ueriav
Qui plus luiſent ke ſteile de nuit iornav
Li pauement de marbre taillat dauav
La nes intrat li reis e ſeu uaſſav
Conte e uiſconte e bibe e riu catav
E uiſcons de limoges ca non girav
Qui fu filz audoin e neis fouchav
Cors a uaſſal e ꝓu fort e giruav
E ſat donar conſel bon e leiav
Sicom on ques nuiriz e cort reiav
Daico parlet li reis dunt plus li cav
De girart ſe conſeille cui el uol mav
E uindrent en a lui entros ca cent
E furent en la cambre ꝑ pauement
Li reis lor dis a toz cōmunaument
Segnor qui ſat de dreit rien ni entent
Si men conſelt ꝑ foi ſon eſcient
Quen iſte cort men fait tal oniment
Mort munt teiri lo duc un mien parent
Mon aur cuit mont enblat e mon argent
Sobre girart nai mes mon chausiment
E di quil le parlet e ou conſent
Se ꝑ nom de bataille ne ſen defent
Ja ne uerra abanz un meis uertent
Que ſaiſirai lo feu que de mei tent
E baron qn̄t lauirent reſpondent gent
E cil qui ſat conſel ne ſen fait lent