Per co renchet la gerre e la tencon
Mort ont teiri lo duc le don daſcance
Dans bos de ſcarpion i mes ſa lance
E ꝑ paire e ꝑ oncle en pres ueniance
De quen ot puis a carle tan eſchiuance
E girarz en eiſſi de ſa garance
Que taus uint ans duret la maluoillance
Cainc ne ſoſa ueer el rein de france
Tros quen furent chenut icil denfance
E uge en fez boſun de mort temprance
Car li paire ugun fraire fu tieiric
E bos e uges furent ml’t enemic
Sencontrent en bataille ſi cū uos dic
E lai o ſe coinugrent uns non catic
Annerent ſe ferir de tal afic
Aicil reſtet en fol qui iouſ chaic
Vges uenget ſon oncle cum ſon amic
Aimes e aimeris ob andefrei
Neuot furent teiri nuirit en ſei
Li cons lor donet armes toz e conrei
E uait cridar mercei carlon le rei
Don laime te maiſnade menar od mei
Veniat aurai mon oncle deman co crei
E carles reſpondet eu tou autrei
E co eſt la paraule qui mar eſtei
Meſſagers mes uenguz dinc daualon
Quanuit uendra girarz deuers diion
Eu metrai mon agait en clarenton
Car ſi dans bos ſenintee en carpion
Ne ſe ſegins ſen uait uers beſencon
Ne ſe folchers ſen torne uers montargon
Le cau des treis que dex abanz me don
Eu prendrai de mon oncle girart ueniaſon
E carles reſpondet eu tot bandon
Aico eſt la paraule qui mare fon
Aimes e aimeris e andefreis
A la maiſnade au rei montent maneis
E furent catrecent de purs franceis
El bos deſcarpion ques m’lt eſpeis
Aual lonc le chemin ſunt tot desceis
Tote nuit i eſterent tros iors pareis
Que girarz ne paſſet ne ni trameis
Ne bos deſcarpion nel ne ſes meis
E cil ſunt remontar canc non fu reis
E girart quant lauit cuit [q ;] li peis
De feeltat me iece con diſt li reis
Cant ſone deſfiance ma agait meis
La nuit leuet folchers li marecaucos
Menet enſamble o lui doze cucos
Fait les ueſtir de peilles cōe garcons
En la cit a paris uez les fricons
Can la nuiſ eſt uengude el iors reſcons
