Fui enconſtantinoble ere adous anz
Feime gudar loreis ſos droghemanz
Anne auſan ſepulcre onon ſai chanz
E tot perguionage de neuſanz
Per es lamperador fui repairanz
E conta mei ſas gueres eſos maſanz
Que de paianz felons e damiranz
E decai deuers rome des aufricanz
Quil lon tolt et aherme ſonor apanz
E moſtret meſes filles aſdous abanz
Anc ne uis om tant beles ne ſi ſamblanz
A tei e amon filles afianz
Pois ſamort laiſet rome aſos enfanz
E per lonor quam uols aueir ques granz.
Naz otroiat guart flandre ebraibranz.
Ereueis que delai teuient limanz.
Ce gar per afenar ne la ſouanz.
E carles reſpondeit e ſanz enganz.
La mullier elonor uuel elafanz.
Aiches laiuret etreit ſon ganz.
E trametrai meſſages rius e proiſanz.
E eſlis etriaz diquals e quanz.
Per guerriar paianz la ient eſtraigne.
E carles e girarz e lor compaigne.
Li francoiz enormant e debretaigne.
Borgignon loherenc e dalemaigne.
Paſſent íur e mongeu laute montaigne.
Lai funt une bataille fiere e eſmaigne.
E ont aucis dous reis doutre cerdaingne.
Vouterne e calabre. puille eromaingne.
Auiant ſi gaſtande comni gaaigne.
Ere cuide lonor quen paz remaingne.
Si preſtrent cent meſſages del oſt reiauſ.
Les cincante perſones furent cleriaus.
Es autres ſunt de contes rius naturaus.
Eſlice dez mile de loſt aitaus.
Toz li ſordere fu ardiz uaſſaus.
E unt auberz e elmes ebons ceuauls.
Debrandiz aduraz paſſent aſnaus.
E carles torne arere per ſos eclaus.
E cil⁎⁎⁎cheuaugent tant puiz e eſgaus.
Trobent coſtantinoble ſunt auportaus.
En laprade de fors tandent lor traus.
E trametent lainz dous cardounaus.
Efinobles. fouchiers limareſcaus.
Dauant lui rei paian e amirant.
Que preſt cel autre ior enconbatant.
Limeſſage li content noues danant.
Que francois uont ſa tere fort aquitant.