E ſegins la contat de beſencon
E dans bos la onor deſcarpion
E bernar la contat de teraſcon
E folche la duchat de barſelon
Aoſte e ſeuſe e auignon
Ce fu tot del onor au uiel draugon
Ce tint girarz li dus de roſſillon
Mais paian len ont tout e eſclauon
Mais de .iiii. iornades a dreit peion
Com auirent le dol e le reſon
Del eſtor qui fu fais en uaubeton
V furent mort li conte e li baron
Cil paſſerunt les pors ſēs contencon
Tro a gironde uinrent a dreit bandon
Ꝑ ſecors ſunt uengut catre gaſcon
Dui en uant a girarz e a folcon
Li autre dui en france au rei carlon
Li reis eſt a paris en ſon donion
En un palaz qui fu rei francion
(Aiqui requert co)nſel del rei friſon
Q(ui gerre la mobude e li ſaiſon)
Li m(eſſage deſcend)ent toſt au perron
E intrerent lainz o carles fon
E dient li taus noues qui nol ſat bon
Ahi carles martel cum mau feſis
Cant tu en uaubetun eſtor preſis
E draugon ton baron i auceſis
Qant cuidaz enforcar ſenflebeſis
Ꝑdeu auons leſ marces quel duſ cōquis
De cai te ſunt uengut (amor)auis
E de lai te ſunt gerre li ſaiſne el fris
Se girarz ne taiude tor es conquis
El reis de mautalant ſes engramis
Segner reis uoſtre amors ne meſt ſegūde
De cai deuers eſpaigne naſ fait eſpōde
Aſſaillent mi paian de tote munde
Ne puis uolar en france ne ſui arunde
Ne nos ſaillir en laige tant ē pergunde
Tot le uoſtre ſecors ih’s confunde
A girart me tendrai par deu de munde
En reis ne ſat penſar que li reſponde
Don reis ia un de uos non deiſ gramar
Cuidiez uos ꝑ mal faire uos ait gēz car
Nos ne ſuns genz engleis doltre ca mar
Cant annaz en eſpaigne ta oſt gidar
E eu portent enſegne per cadelar
En tot lo peior leu que por trabar
Mas laiſſat en narbone queu la te gar
Aſſaillent mi paian doltre la mar