Garners premers parlet cō dozelz proz
Girart car fai dreit e prendre noz
E li cons reſpondet toz airoz
E uos en iur le paire queſ glaurioz
Si cai uengeſt meſſages autres q̃ uoz
Que del poins e del pie le fere bloz
El ma mon paire mort reiſ de ſoudoz
Er me mande un plait tan enconbroz
Enes lo camp mees u ſui danoz
A ains ſen tornera luns toz uꝛgoignoz
A gize de baron qui amor quer
Ne reſpont mot dorguel ne trauerſer
Girart car pren conſel a ton enper
Ci uei eſtar folcon ton coſeller
Landric e aenric e don aucer
E car li loaz tuit franc cheualer
Con ageſt uers lo rei bon coſier
Car ſi tors cai reman nos el ſobrer
Colſelz ce diſt landris i a meſter
Aual en ca ribere en un ombrer
Se iaz euldres nafrat li cons treſer
Ainc ne ui tau baron ne tau parler
Tau ſaiue ne ſi prou ne tā gerrer
Conſ uai parlar o un conſel li quer
E ce quil te dira fai uolenter
Od ſi menet gilbert e dan folcon
Landric e aenric e dan gigon
Aual en ca ribere en un cambon
Jaz euldres ſobre un paile de ciglaton
Lordre ſaint beneeit quert con li don
Cant lai uiennent ſi fil e li baron
E girarz denant lui a geneillon
Onches conſel te quer e daz lan bon
Tal qui ne tort a unte na retracon
Carles me mande plait fin e pardon
Cai nat trames tiebert de uau beton
E garnir men coſin lo fil aimon
Bels neis marcaz en rent ih’u de tron
Ci a gente paraule ſenz aucheiſon
Pos ele nut premers de par carlon
Fai en fin uolenters ſenz contēcon
Eu coment amerai rei tant felon
Teuris ſen conſellers de ſa maiſon
Amatiues mort mō paire lo duc draugon
E mees lo ton cors qui mare fon
Ja ne rendirai le mien die ꝑſon
Se tan plait ne me fait qui ſie bon
E teuri ne guerpiſſe de ſa reiun
Eu tan ferai diſ euldres ml’t breu’sermon
Car ſe creire me uolez e ma razon