Aiqui uerraz drecar tant gonfanun
Tant enſegnes de giſez e tan penun
Mais de ſet leges firent de porpreiſun
Ce diraz ſes uiſſaz ꝑ plan cambun
Conques puis en iſ ſe[cl]e tau genz ne fun
e fu a un deluns qant laube appar
Que praz prent a flurir bos a fullar
Carles faiz trente grailles enſanz ſonar
Li cor furent diuoire blanc e perclar
Dunc ſorent li baron de ſon afar
Quen bataille campau a ſon penſar
Prent loſt a ſosmouer e a leuar
Anc non uis tan menut unde de mar
Com uiraz les enſegnes au uent annar
Carles dinz uaubetun leſ fait gidar
Lai o ferunt leſtor fort e amar
Que cil qui aiqui chaeit non pot leuar
Nainc pois a ſon arbert ne pot tornar
Leſtors fu forz e ferz com auirez
Quan querre lo deuet ꝓuoire e clerſz
Quen perdirent lor diſmes quere lor dreſz
Cai deuers carle fu li cons iofresz
Naimes e aimeris e andefresz
Eelins de boloigne el fors capez
Baiuer e alemant mil ꝑ uint uez
Portet lor aure flamine dus godefrez
Agiant funt langarde diquele uez
Li dus gui de poiters uaſſaus eſlez
A uint mil agianes quin portent fez
De langarde de carle fu faiſ ladrez
Dequale de girart auir porrez
Vint mile deſertanz del pui de trez
Ja corat ne uopil ni trouerez
E lai o il ſencontrent fu tauſ effrez
Ja maior uers aqueſt ior ne uerrez
Li dux gui de peitiers ne ſentre uis
A uint mile agianz nen i a pluis
Armaz daubers e delmes qe caſcuns luis
Langarde de girart omne ne fuis
Abanceis uos dei dire qui len eſtruis
Ponz e ricars e coines. ioans chatuis
El marches amadieus del ual de cluis
Caſcuns a catre mile eſ cheuauſ ſuis
Cheuaugent loiram fet tuit a un fruis
Eu men ai mereuille ſaſte ne cruis
Li marches amadieus ꝗ fu taurinſ
Moniames e mongeus e li cheminſ
Aoſte e ſeuze e monz ſeninſ
Set contes ac a ſei li palainſ
Coſins germans girart e ſes aclinſ
Sos cors fu granz e gēz aſſaz meſchinſ
E ſos cheuaus unſ bais a longes trinſ
