E cuit bien que les tieus ſor uos meſſon
Nen auez bos ne uigne toz n̄ troncon
Ne foſſat ne terrer nample donion
De laucor fuſt ne face uermel carbon
Mande amis e omes e ſis ſemon
Que taiudent de gerre contre carlon
Quil uuelt deſiritar ꝑ aucheiſon
Bataille lai pleuide el uau beton
E el mei afiat e ſei baron
E enpreze ꝑ tau deuiſion
Cil en cui remandra preigne bordon
Quen paſſe mar o nau o a dromon
Bon meſt co diſt girarz ꝑ deu del tron
Tro a breu ior naurai tant conpaignon
Que ſerunt cinc cent mile en plein canbon
E ſe bataille en uol eu li bandon
Li baron del caſtel com ont auit
Qu dans folche eſ uenguz lai ſon eiſſit
E dirai uos li caus ſe ne mublit
Bernarz gilberz e bos furent aiſit
Eelins e oudins ob amauuit
E artaus e grimaus doitran cauſit
De landri de neuers on fait lor guit
E furent diſ baron tan bien eſlit
Li plus paubres daques quauez auit
A cinc cenç cheual’rs de ſon aquit
Li cons intre en la cambre ſobre un tapit
E paraulet ob es prent ſon archit
Segnor de toz conſelz ne quer mais un
Caſcuns mant ꝑ ſa terre ne ſen an frun
Carles uient ſobre nos a un eſtrun
Nen auons bos ne uigne quel non reſun
Ne foſſat ne terre quel non deſrun
Pimers parlet gillelmes cil deuſteun
Mande amis e omes oſaz negun
Trames ai ꝑ mon paire en beſodun
Qui mandera toz celz de ual de dun
Vergedaigne e cerdaigne e moncardun
Purgele e ribecorce e barſelun
De cai mandez mon oncle dedin uauclun
Qui tient tote ꝓuence tro a tonun
Arle e fouchaucher e eureun
Le uau de moriane e danſeun
Jainz ne ſerunt paſſat li trei de lun
Que ſerunt cinc cent mile a un eſtrun
Bataille [aura carles de] mon leun
Bien ſabei diſt girarz fei qe uos dei
Plait ne dreit nen aurie namor del rei
Ꝑ tant ogiſt meſſages cincante a mei.
Trames ꝑ mes amis com faire ou dei
E ai mandaz mes omes ſemons par fei
Que maiudent de gerre contre lo rei
