Treis gonfanons petis e un gant crui
Mil cheualers leſſegent milon dalui
En talant a folchers quobes ſapui
E a naimon cel conte de bel air
Er ui cinc gonfanons dun bruel eiſſir
Mil cheualer leſſegent tant les aruir
Co e rius om del rei quil uait ſeruir
E ſel me uoliaz enconſentir
Aſeiar le uos ai a deſconfir
Grant folie diſ aimes noo onſ dir
Vos eſ a mon conduit ꝑ uos garir
Neu carle mon ſegnor ne dei faillir
E ſe uos es cinc cenz il ſunt tau mil
Ne pos en tote france mellors cauſir
Dui cheualer ben poent le tierz delir
E li el uol defendre prendre o aucir
Tal ire en ai diſ folche tor men ſuſpir
Vergoigne en ot fulchers nel pot ſofrir
Enchet ſen od les ſeus a ſoupartir
A ſon caſtel ſen torne a mont eſpir
Queſt el cap de borgoigne el pui de mir
Ne ceient conte ne duc per enuair
Daiqui uoldra rei carle gerre eſbaudir
E folche ſen annet a bel air
A un caſtel u aimes le fait ſeruir
Ne cuid de lui ſeruir qom ſi ennuic
Qant li enap ſunt plein tindrent un muic
Puis ne furent li leit paubre ne unic
Les coltes ſunt de paile n̄ dautre gluic
Si aigrent iuſ quel ſolz pares el puic
Sunt cauchat e ueſtit con donzel duic
Font metre frains e ſeles point ad aur cuic
E cheuauchent enſanz dolonc biuic
Lon laige qui deſcent del pui de buic
A roſſeillon en uent folche e li ſuic
E deſcendet a lolme fors au perron
Cent cheualer lai corent de tau tencon
Caus pres renne u eſtriu u cheual bon
Li cons intre el moſter fait ſorazon
Pois uait bien loin deſ autres o girarz fon
Paraule ob amedieu e a boſon
E drecerent tuit trei acoillent lon
Mais girarz ſeſt coitaz de ſa razon
Neiſ ſi auom bon plait del rei carlon
Par mon cap co diſt folche car aico non
Preſentai li ton dreit en ſa maiſon
El nen uol rien baillar ſeone lon
Mais eu li reꝓchai la traizion
De quel fes ꝑiurar tan riu baron