Mais lai o ſat baron qui eſt lucrers
Qui a catre caſtels ne cinc enters
De cel auer eſt danz e bobencers
Dun pan de loherenne uos ert ſobrers
Deuers mont beliart ſobre cauſers
En aura en aiude ſet miliers
Atant laiſſent les places e les umbrers
Deualent ſent ml’t toſt ꝑ eſchaler
Au ꝑron ous atendent lor eſcuder
Quin ont traites les armes e les deſtrers
A folcon ſunt cregut mil cheualers
Od folcher catre cent dunçel legers
Quel preſt toz a la cort a ſoudaders
Lencance de la gerre refait premers
Entres mur el palaz ac un plan gent
Perrons aſis en art ꝑ tau ciment
Ob art de beſtiare magiſtraument
Fuguraz a muſec daur reſplendent
De clare matre uitre le pauiment
Enmi leuc a un pin quel cau cōtent
Vne gole lai fert daiſi dole uent
Melz flaire que dencens ne de puiment
Vne fontane i ſort dun deſrubent
Cer ab aur e a peirres qui laige rent
Lainz nen intrent mige tuit fol ſiruent
Carles martels lai tent ſon parlement
E ſon maior conſel de celement
Danz folche lai a dit de ſon talent
Jſſen el e li ſeu iradement
Cuns cōiat ne li done nel ne li prent
Vait ſen a ſainte lei o on latent
Des barons de la terre mais de ſet cent
Labes cafreis parlat p̃mierement
Que feraz de tos ome conſel en prent
Jrant o ſi ſerunt cai remanent
Conſel nai pres diſ folche mon eſtient
Ne uuel ꝑdent onor ne chaſement
Mais cil qui nen ont terre ne tenement
Sen ennent a foucher iſ miē parent
Quil fera del plus paubre ric e manent
Eſleuc len aſſegurent taus catre cent
Non falli uns ꝑ aur ne per argent
E puis uait caſcuns prendre ſon garnimēt
Aimes li cons leſ gida ſaluement
Saimes les gida her ſi fera hui
E ont en ſon conduit folche e folchui
A cinc cenz cheualers a cui quennui
Paſſent au pont de leire lāꝑegui
E laiſſent de monliu la ual el pui
E cant vinrent as gaz de ſaint ambrui
Folchers gardet amont ꝑ plan ſarcui
Vit une enſeigne blance el bos deiui
