Ne prendra ia citat nel arde a feuc
Ne tan bon cheualer quel non enereuc
Caine ne uiſtes ꝑ nule tant deſert leuc
E eu ſui ml’t dolent dun ele meuc
Par mon cap diſt li reis daico nai ſoing
Ne prez uoſtre manace folche un codoing
Ne prendrai cheualer tot ne uergoing
Del naz o des oreilles nel face moing
Siruent ne marchader le pie o poing
Se uenem en eſtor ne en beſoing
Verrem cau le ferant franc e borgoing
Li caus fiert melz deſpade ne plus dꝛit ioīg
E nos arons diſt folche cheuaus gaſcoing
Ꝑ encauchar de preu e fuir loing
Folchers li marcauconz enant ſe trais
Coſins germans girarz filz aneſtais
Nus meldres cheualers nul leu non pais
Ne nus mellors uaſſaus ſaſte non frais
Ses cors fu eſcheuiz doliaz e gais
Ja dirai tal paraule que reis ſiras
Par deu carles martels ml’t mar i fais
Quan cuides tot un ſegle metre en pantais
E cuit girarz de gerre del tot tabais
E eu ſie uos pis ſe ne ten plais
Tendrai mil cheualers nert un ſauuais
E mourai tan rancune entros ca ais
Naura tan fort caſtel ne mi eſlais
Cuit que des teus demaines leſ mienſ engraiſ
Adunc poient au rei li ſans el cais
Sanz les ageſt toz pres bruns e bais
Quant parlet euroins qui fu cambrais
Engerrans e teuris e ponz de clais
Reis mors es ſe feunie en ta cort fais
Ne de tal auoleze carges nul fais
Nen as tan riu baron toz ne ten lais
Preu parlet euroins li cambriçinz
Qui dere bon conſel li palainz
Qui creie ſes paraules e ſos latinz
Meſſagers de la gerre non es deuinz
Cau ſegner ſoberanz ſi ſunt ueizinz
Vns eſt cons lautres reis de doz maſtinz
Pluſ amorſaz de gerre qua ſanglarz cinz
Se gerre eſen mor e ſarazinz
Cuit que dels fure faite la ueire finz
Carles qant lauit ſi ſes gramis
Er predic que diſſel dans eurois
Con li uelz p̃dicaire de ſaint denis
Qui predica ſon peuple e conuertis
Mais ia nen laiſerunt ne uair ne gris
Ne blanz aubers ſafraz nelmes brunis
Tros que aie de gere girart maumis
Qui ma mes omes mor. pres e aucis