Jren a roſſilun aſſaut baſtir
De girart ferai noues carlon auir
E tau rien li cuit faire de quei ſuſpir
Cil ne furent mais cēt qui uont garnir
Ꝑ une porte pauce ſen uan eſir
ilberz gidet leſ ſeus ꝑ une uau
E ne furent mais cent pur a cheuau
E uont a roſſillun baſtir aſſau
E gilberz de ſa lance fer el portau
E eſcridet lo rei tracor e mau
E apres cobeitos e deſleiau
Ne fu carlon tant mal ne crit en au
Armaz uos cheualꝛ e mei catau
E li reis toz pimers ſail el cheuau
E pres eſcu e lance kainc ni ꝗs au
Per la porte ſen iſſent tuit conmunau
Ne furent que dez mile aiqui reiau
E li reis uient primers plus que deiſau
E eſcridet gilbert fuir que uau
E ꝑ hoc nafret le mais nen ot mau
E girarz uient laz ſeine ꝑ un coſtau
E ſunt uint e cinc mile lonc le boſcau
Apres lo rei ſe metent en ſos eſclau
Vinent les conſiuent de ſoz belfau
Aiqui (en) furent fait tant colp mortau
O carles receit frete canc n̄ preſt tau
Las eſcridet girarz e ſa conpaigne
A ces pimers not aſtre quaiqui ne fraigne
Moſterra lor li cons de ſa bargaigne
As eſpades ſe mouent dol e malaigne
Li reis cauſiſt la ꝑte qi fu tant maigne
E eſcridet aſ ſeus lenchaus remaigne
Trai uos a gilberz qui que ſen plaige
Enquet ſen atornar laz une ſeigne
E gilberz le uiret lonc le montaigne
E corut le ferir en la canpaigne
Sobre un cheual mouent at come ſaue
E de pur ardement la color paue
E uait ferir bernart de roche maue
Tau li det en leſcu que tot leſtraue
Son aub’c li deſrunt e li deſclaue
Del cors en trait uermeille ſenſenge blaue
Co eſt li iorz de que girarz ſe laue
Lenſeigne au rei martel le ior fu raue
A pres dun ſoudader elme e aubert
E eſcridet ſenſeigne lat uos uuert
Firaz leſ cheualer pos tant i pert
Aiqui uiraz donar tan colp apert
Que tau mil en cairent ꝑ lo codert