Quant uerreit mon palais qui reſplendis
E lun caire en lautre per mageſtis
E uerreit les carboncle ꝗ reſplēdis
Sanble de mie nuit que ſoit midis
Criem que carles martels lencobeis
Cabanceis me deſfie queu le gerpis
E me metra lo ſiege ſi con tu dis
Mais il nen prendra ia tāt cō il uis
Gran tort me fait li reis co meſ auis
Quant per itau folage ſi menuais
Roiſſellons fu toſtens alues mō paire
E ſil ma otroiat noſtre enperaire
E tote mautre onor tro aſenfaire
Ne len fera ſeruiſe li filz ma maire
Li caſtels ē bien forſ el murs de caire
Neu ne le tien de lui nen ſui bauzaire
Ne nen ſa cheualer regun retraire
Catre nebous ai proz qui tuit ſunt fraire
Li ſordere len pout fulie faire
Seu uuel a monleum a ſon repaire
E diiaz me le rei q̃ ml’t mal fai
Queu tien tot en aleu des leire ēcai
Nē irai a ſon droit tāt cō uiuerai
Ja dˉs non laiſt ueeir lo meiſ de mai
Sabanz ne me metie en tal aſſai
Que perdrie del cors del ſāc un rai
Que rendre le caſtel ꝑ iſt eſmai
Ne un dor de ma terre de qanq̃n ai
Per deu co diſt b’narz car biē ou ſai
Ab aicheſte paraule ſen torne e uai
Endreit au trat lo rei eſt reuertit
E carles li demāde quant elle uit
Ere me di bernart quen as auit
E mal aie daico quil en mentit
Aleus eſt roſſilluns au ueir afit
Ainc ome li siens paire reiſ ne fuit
Car non fera il uos ſi com el dit
Quant lot carles martels ſē feraſit
De dol e de malame tot negreſit
E at mandat ſos clerges ſos breus eſcrit
De france e dauuerne e de berrit
Lai aduiſtrent tan contes n̄ manatit
Sobre girart le cōte lo frāc ardit
E tindrent li lo ſiege tot un eſtit
A une aube aparent ſonent litit
E uant a roiſſillun ant laſalit
E girrarz out tau deche qain n̄ gecit
Ne om de ſa maiſnade ne li faillit