E tenie un calice de mer or fin
A quei mabeura manures daqel ſaint uin
Que dex feſt daigue aſ noces archeteclin
Segner aico eſt biens co te deuin
Grant ioi te naiſt de li deus tu deſtin
Vn pau le fant diſnar laz un ſaucin
De paſtat de poiſſon e de polcin
Hui mais di al meſſage de lui taiſin
Diua coment iras e de quaus parz
Segner nō meneraſ maiſ ke tei quarz
E ſai annar ta genz uers ſeneſgarz
El lo fait e deſcent en unſ aiſſarz
Troſ uient la nuit eſcure qi tot eſgarz
Sor lo caſtel deſcent en mi unſ iarz
Atacent lor cheuauſ lonſ e eſparz
Aiciſt garz ere ris ui de mil marz
E el deman non ac maiſ pur eſcharz
Que gaita no ils i ſent car nō i fun
Aiqui les fait eſtar en un crucun
Troſ que uint la conteſſe a clerc guiun
El romeu tient lo ſac e lo baſtun
E cil leſ uunt ſigant loiget paſſun
Troſ la conteſſe areſte en un cambun
E cil ſunt remaſu traſ un buiſſun
Vne clartaz pluſ ganz que de brandun
Deſcent de ſobre lor deuerſ lo trun
Veit lo romi qui trait e met ſablun
El ſac quele li tent a geneillun
E girarz qant lo ueit molt li ſat bon
Apelat andicas e bedelun
Segnor molt a lo cor ma e felun
Qui creie de midonne fol ne garcun
Conſ or poz bien ueer ta uiſion
A bon dreit te doinſt deuſ confuſiun
Se ia chauceſ por gerre maiſ eſꝑun
Ne ferai eu diſt el deu ou pardon
E li garz ſen emblat traſ a lairon
Abanz fugit el boſ deſqua ſa maiſon
Vne clartaz deſcent ſi cū deu plac
De quei li cons el ſeu ac gant eſmac
Vit ſa muillier bertran qui tent lo ſac
Cil i met lo ſablum que traiſ del brac
E le capelan gui ſeſt quam uol iac
E girarz qant leſ ueit gant ioi en ac
Ni prendrez maiſ romeu colp ne ramac
Abanz ai en talant que gent uos pac
Cele le tient pres de ſei e uai detras
E la conteſſe enant lo petit pas