En qual trabail eſteit li tiens iouenç
E en grant paubretat ꝑ mei lonc tenç
Ainc ne me reprocaz toz ris parenç
Ainſ me fus conſelleis bons e ſiruenç
De paubretat me traiſt li tonſ porpēç
E tornat en honor toſ eſcienç
E ſauc lo te penſeſt u fu tes ſenç
Ja deuſ nen ait marcet diceleſ genç
Qi meſclent bons amis e bien uoillenç
Que tun ꝑdraſ leſ ols ſe tu nen penç
Andicaſ lapelet queſt ſapienç
Segner dunt ē uengut aiciz tormenç
Que ca caire [teſt] troble cū airemenç
Apele bedelon e toſ parenç
Qui tunt a conſeillar ſe tu conſenç
Segner ke uoſ dirie ia ſui ſoffrenç
Segner conſ diſt bedeleſ m̄tir nō quer
Trop aſ ſenz de iouent e cor leger
Qant tu creiz a garſon de ta muillier
Dirai uos que contet ele lautrer
Qant de ſainte ſufie fiſt reis moſter
Si defendie la gent de ſon enper
E de coſtantinoble a toz lor quer
Que unſ nen i meſeſt uaillant dener
Mais une pauble fēme na deſier
De coſdre e de filar de ſon meſter
De ſon paubre gaaing qua dreiturer
En cōpraue de lerbe que li ſōmer
Maniauent qant ſeſtauent deſoz lōbrer
La nuit qant gent durmie a ſon bocler
Aportaue del aigue ſobre el morter
Quant moſters fu baſtiz e li clocer
El reiſ ot mes aueir grant e plener
Si demandet a deu la uertader
Qual gueredon nauri e cum ſobrer
E deus co li mandat per meſſagier
Quel paubre fēme aura maior loger
Que lo reis por lo don de ſon or mer
E en ico midonne ſon conſier
E ai ueu moſter ſainte sufie
Eu ne quit quanc tauſ fuſt ne iamaiſ ſie
Aico eſt nunſ de deu u om ſe fie
Quant ot dit la paraule il lunt oie
El lo conſ a ſomel quant fu fenie
E deſcent e durmit en lerbe trie
E ſonget que contet qant ſe raſſie
Montet el palefrei diſt lor par uie
Fai uos enant diſ el mi dui amin
Dirai uos quai ſongat iceſt matin
Que la conteſſe ui ſoz un uert pin
Si ueſtiment tant blanc cū parchemin
E plus couert de flors dun aube eſpin
