Li cuntet quen refut toz fel e gi[n]s
Cū caſque nuit len maine unſ hon tapīs
E quident i tau rien qui noi eſt gins
Apreſ ſe uait durmir ſoz ſa cortine
Atainſ lai ſeruit qui ſen aizine
E quant la uit colchade el lit ſouine
E fu en ſa chemiſe doliat de line
E a gente façon e color fine
Ot tan blanche la car cū flor deſpine
Li gars poſet ſe man ſor ſa poitrine
E uol baillar ſon cors e ſa cetine
E baiſar en la boche qant lagratine
Mar ou uoſ ou penſaſtes gras de cuiſine
Eu me gabaue donne queſ pelegrine
Aqui romeu de loin iaz ſor leſchin⁎e
Ele apela garſent e aibeline
Oſtaz mei iſ gloton qui mataine
Eu nō ſai de midonne ꝑ qe mi fendre
Maiſ uail en quel romeus cui uait ſoentre
Por que uaſ a tal ore ce fai entendre
Fel gars a uos que nai razon a rendre
Sen paraules ia mais ferai te pendre
E li garz ꝑ degraz anc a deſcendre
E uait a ſon oſtal ſeſpade cendre
E monte en ſon cheual e uai aprendre
Girart lo duc tauſ noues dūt degeſt pendre
Que felnie e mencoinge li fai entendre
E trait la un conſeil e li contet
Grant mencoinge ꝑ uer ſi cū quidet
E li conſ qant laui molt li peſet
Per un petit od lui ne ſiraſquet
Se co mencoinge me dez dex t⁎ deuet
Que eu me merueil molt ſain ſou penſet
La nuit ſen uait od lui qant la ganz dort
Aual ſoz le caſtel u ſunt li or⁎t
Non uuel de mon ſeruent noueſ maport
Que ſe uient au prouar dūt ſe deſcort
Seu nel te puiſ moſtrar dunt ai tort
Abanz en deiz murir de male mort
E li conſ qant laui peſa tant fort
Quainſ maiſ noueſ naui ſil deſconcort
Quil ne manga la nuit puiſ uen e dort
Quainc cheuauchet e diſt entre ſeſ dēç
Ai conteſſe amie bons cors e genç
E adreiz e corteis e ſapienç
Humiles amors e dolces e couinenç