E carles feiz orguel e galaubie
Qi ꝑes tau meſſage lai enanuie
Ci comence lorguels e la fulie
Qui nō fera oian liumēt fenie
Fors au maiſtre portau de roiſſillon
A deſtre con on intre ac un perron
Fait une genelee tau denuiron
De quel ſcint li pirar e leſtelon
Tuit obrat aſeldoine neiſ li cebron
Les croutes e les uoutes de mꝛ leiton
Aiqui diſne. girrarz. ſon aurion
Tau mil de ſa maiſnade tot enuiron
De quel ſun obaufreis lor auchoton
E ſunt de uermeil paille lor tubiō
Atant es uos bernart lo ſil poncon
E ſaludet lo gent en ſa raizon
Dˉs ſaut girrat. is cōte com riu barō
Amis e deus gart illi reſpon
Vos me ſambeis meſſage depar carlō
Si dex mauit diſ il car eu ſin ſon
Er te dirai ſanprere dun te ſomon
Que rendes le caduel e la maiſon
E ſe uos deſdiſe ſes un mot q̃ non
Ja ne uerreiz la feſte de rouiſon
Moſterra uos mos ſeiger tā riu barō
E laifors per ces praz tā paueillō
Inde e uermeil e iauſne tuíligirō
De color e ꝑguices come pouon
Con nōuit tāt enſeignes en un cābō
Ne per bataille faire tan riu baron
Amis co diſt girraz baiſies aicon
Ja ne me mant lo reis nule auchaiſō
Mais ſi prenge le mien come le ſon
Quant ſa maiſnade eſcide tote aūton
Ne tain de poindre a fou ne a bricon
Car ſe traire ten pouz per traicion
O il te fera pendre come lairon
O toz iors te tendra en ſa priſon
Cainc mais ne fuſtes rei itāt ſelō
Qui conſenti lamort deſ fis ei on
Quant il ne porent faire fī adueon
Quant paſſerent la mar au rei otō
Mais ne len pot moueir aute tēcō
Quain non ſosfri recet drazaualō
Girrarz ot lo meſſage tan enreiſnat
E es drecaz en piez e a parlat
Bernart tu ten iras au carlon trat
E dííaz me lo rei per quen debat
Car eu tien en aleu tot mon ducat
Ne irai a ſa cort de tot eſtat
Mais ne me ſai de ſes tan eſtragat
Queu rende le caſtel ꝑ tau foudat
