E homenages tant cum lor fu en grat
E l[apoſtoil]es a treſtot deuiſat
Per nom de penitance e comandat
Que les mans e les braz un tot leuat
Par nom de paz tener e dacordat
Altre mot aichelz ad deueat
E toz partiz da deu e deſeurat
Per cui ſera ia mais renouelat
Lapoſtoiles parlet com hom leiaus
Enquer reis ſe tu uuelz ſeraſ bien ſaus
Carleſ martels teſ aiueſ feſt ml’t ganz maus
E tu de ton uiuent fuſ altre taus
Per quogiſ nō martels cis nunſ fu faus
Er deiz maiſ nō auer carles li caus
Or eſ ris de barons e damiſ claus
Or aime deu e paz e pren repaus
E lo reiſ lo fait bien quin creit ſon laus
E feſt puis ne ſai qanz moſtes reiaus
Ce dient li danzel tot entreſach
Non ert maiſ diſte gerre baſtiz agach
Ni cheualers feruz ni eſcuz fraich
Vil en ſerunt tengut qin ont mal trach
Maiſ en ſerunt amat li duc de plach
Ja ꝑ aico diſt folche un non ſemach
Prou mangar e ueſtir ſe melz neſ pach
Lor donrai uolentiers e de gant grach
Folche parle a girart e a carlon
Ere prennent conſeil cum caſcun don
E li conte el demaine el ric baron
A pabres cheualers lor gariſon
E ques amenaz toz a moſtreiſon
Si cum fu eſtablit en la reion
Por defendre lonor, ſon la ſemon
E ſi at ric auar a cor felon
Ki ne uuelle ſoffrir conduit ne don
Vn li toille lonor e dunſt la bon
Car treſſaurs eſtoiaz ne uaut charbon
Carles tient lo conſel folcon ualent
A toz lo dic barun qui es manent
Amaz melz cheualers quaur ne argent
E tenez an ſegunt ſon chaſement
Que caſcun ac de mei qui uit qui cent
Qui tant qui pluſ qui mainſ ſun co qe tē̄t
Ki ſoffrir ne porat eu li ement
E donrai uolenters del men ſouent
E auizaç les toz a moſtrement
Que caſcuns ait cheual e garniment
Ne uos truiſ deſgarniſ paiane gent
Que reames que uaut qui ne defent
E qui ſen feindra a ſon uiuent
Li toudrai ſa honor per iugement
E donrai la meillor e mei garent