Matin ſunt en lor terre arer retrait
Eſ praz de ſoz iſlel le caſtel frait
E deliurent leſ prez toz qui ques ait
Vnſ ni perdet auer cun no li pait
Aſ trez uen lapoſtoles matin lo ior
Car le ſeir moc de ſanz a la freidor
Traiſ carlon dentre ſeus un pauc upor
Reiſ ne creire conſel gerreiador
Orguelloz bobencer ne befador
Car ci nen ant meſter lauſengador
Eu ten coniur de deu le redemptor
Quen dies ten corage tot celador
Qul dus ne te put faire pluſ gant honor
Que de ton fil pepin emperador
E lo reis reſpondet en deu amor
En cerrai ton conſel cū mon doctor
Maiſ ne uuelent la fin tot ciſt pluſſor
Ennoſ pregerem deu que hui labor
Li papes mande al duc qua ſon ſeignor
Vienge cum cil qui paz quert e amor
E a folcon cui menbre de ſa ualor
E folche en det conſel qual ſat genſor
El reiſ iſt fors aſ praz u ſaine cor
La ſunt mandat li conte e li contor
Li prince e li domeine el pluſ loinnor
Ne ſunt ginſ oblidat bon uauaſor
Li bibeſ del moſter ſaint ſaluador
A fait un caldefalt al pape alzor
E quant el i montet e ganz laicor
E tinent lo por ſage parleor
E el parlet ben aut e de uigor
Eſcoltaz mei diſ el grant e menor
Noſ em de ſainte gliſe li drez paſtor
Dunt deuſ fiſt de ſaint pirre ſon iuiador
Maiſ iſte gerre lait miſ en error
Gerrer e male genz e robeor
Leſ unt arſeſ a fuc e a calor
Quen ſunt li monge ſanz e li prior
E lordres deu tornaſ a deſonor
E paubre genz at miſe en gant dolor
E de toz creſtianz auciſ la flor
Dunt ſunt tornat li loc ric en ſotror
E li publeſ menuz en cride plor
E eu uos ai a dar conſel meillor
De par deu uos comāt uoſtre faitor
Ꝑ ſainte penitence qui uos ſocor
Qui done la mecine a pechador
Oſtaz uoſ tot de gerre e de gramor
De uiel ire e dorguel e de feror
E toz uos cors denuie e de felor
E tornaz les en pas aen dolcor