Qui tauem deſirat molt e queſut
Anc puple ne uiſ maiſ tan iraſcut
Con le ton car tauent iſi perdut
Grant preſent taportem e gent ſalut
Vint mile mars dargent uoſ duic chanut
Donne uoſ leſ prendrez ſe dex maiut
Ja non auerai uaillent un abatut
Car meſ ſa bon ke dex ta erobut
E uoſtre cors qui ma folcon rendut
Ja non ſerem per ren mais confundut
Atant eſcrident laige e uont lauar
Aſaz a ganz deintaz beiure e maniar
Mil ſolz len donet folcheſ a bon iuglar
E a tot cel peior en fait cent da*r
E giraz ſen eiſſit al ueſprar
Vne donzele uit le ſol poiar
A petite compaigne de gent afar
E demandat qui eſ qant lot nomar
Jambe terrat li cons uait lenbrachar
E deſcent deſ arconſ del mul liar
E menet en la cambre diſt a lintrar
Veiz conteſſe eniſt uiſ que ſolz amar
E ele de grant ioie la cort baiſar
Se dex maiut ſegnor ſe deis tu far
Car ſe laiſſet por nos deſiretar
Ere penſet de lui ben conſellar
Anc en girart lo duc ne fut oblis
Ne om qui ben lamet en lui ſeruis
Que ſegunt ſa ualor ne li meris
Donne reine auiaz que ceſte fis
Ele fu fille aucher de monbelis
En ſiual fut per mei de gerre ocis
Ceſte ſe uint od nos qant fui faidis
E laiſſa ſa contat e ſon pais
Entreſ qua un ermite u eu la mis
Bertran franz cheualerſ pren eniuis
Eu te derai lonor que tec ſegis
E grant rente de ſallonſ e ſallis
Moniuc e geneueiſ e monſenis
Segner dus ganz marces ke tan ben dis
Aiqui receit lonor e puiſ la pris
La reine apele conte girart
E acenet folcon de lautre part
Meſſagers meſ uenguz al ueſpre tart
Com reis oi parlar de brun berart
E de treis contes preſ e doudin cart
Tan gant irat por poi e dol nen art
E mandet cheualer de mente part
Li preſ ferunt de mei lor leonart
Que toudrai a caſcun de uoſ ſa part
Maiſ oudin uoſ lairai cui ſai gaignart
Qui non cogiſt lo rei par ſon mal art