Ca[tr]e contes ant pres non giſ palaz
E cinc cenz cheualerſ de pluſ preizaz
E les autres gari bois e plaſſaz
Leſ armeſ eſ cheuauſ lor unt laiſſaz
Aſſaz fut quiſ aſ preſ toz enſelaz
Hui maiſ ſen uont ſegur qui qeſ manaz
Dunt tote uoſtre genſ ont gant meſter
Ad mei erbergeret el compaigner
Tot ſeruent e bordeiſ e cheualer
E ſi auez trameſ e oc tres er
La nuit les erberiat li filz folcher
Qui lor fait de conduit hoſtal plener
En ſa garde ſunt tuit li priſoner
E fait alpais ſeruit a ſa muler
Lo diſnar al matin lor reprofer
Apres ſe fait de toz reregarder
Vant ſen a roſſillon ſenz deſtorber
Girarz uent contre lui ꝑ un canbon
Primes baiſat alpais e poiſ folcon
Segner eu lo uos rent par gaardon
Quel me doingnez a par e cōpaignon
Ꝑ mon cap diz girarz ml’t me ſat bon
E uoſ qual nauez faite deuiſion
E folche reſpondet ſenz aucheiſon
Li edat e otrei me le por ſon
E mandet la reine per droon
V li pleira que ſient li priſon
O en tor u en iai u en dunion
La reine quant lot reſpont que non
Face aſ bordeis garder caſcun lo ſon
Troſque prengent conſel de raencon
Atant folche deſcent fors au perron
De ſobre treſietat daren un tor
Folche receit alpais quama de cor
Dentres arcons doraz qui ſūt trifor
La reine laiſt ele e ſa ſor
Folcon baiſe alpaiſ qua lo peil ſor
En une cambre painte dazu e dor
Jntrent ad unes eſtres de uers la ſor
Paraulet des priſons e de lor for
E doudin lo manent qua grant treſor
La reine e ſa ſor berte e alpais
Cil furent en la cambre nen i ot mais
Girarz diſt a folcon diſ pres que fais
E folche li reſpont qant midon plais
Qui ta garit de mort e mi en trais
Bertelais paraulet e bertran tais