Anz uos deſconfirai e prendrai touz
Oudin ce diſt bertranz fai noſ conſence
Si folcheſ prenſ alpaiſ ce uoſ agence
Quinze citat en oſcle eſtre prouence
Li dera en uiane arle e ualence
Non ferai diſ oudinſ ia couenance
Entroſ uoſ aie preſ e toz uos uence
Dehar ait cheualers quob autre tence
E broque lo cheual ſail en argence
E qant bertranſ ſen uait lenchauz com̄ce
Oudinſ paſſet premerſ e ſui certan
E poiſ tuit lautre apreſ cunſ nō reman
E bertranz lor laiſat le ga de plan
Oudinſ lai abatet un caſtellan
Trente en un abatu li premeran
Oudins criat bertran tuit eſſet uan
Voſ ſerez maiſ li lieure e noſ cum chan
Ne uoſ faura enchaus hui ne deman
Si non rendez folchon e la putan
V ſunt uoſtre uaſſau li ſeguran
Folcheſ lai ſapareſt en cabaucan
Voſ leſ uerreſ diſt ceſ ſempreſ apalman
Bertran qui eſ acel ſegnor odins
Lo mellor el pluſ riſ deſ noſ coſins
Poſ tan preſ ce diſt folche eſt meſ ueiſins
Si maiſ ſe part de mei nō ſui eu gins
Cui alpaiſ dige maiſ druz ne amins
Vi mais ſonat lo corn bertrant cuſins
E cel ſi fet tan fort que lo refrins
Fait tentir la montaigne el bruel foins
En que iac en agait cinc anſ meſchins
Au cuntant de leiſir fut ganz huſtins
Deſ eſcuz e deſ lanceſ o fuz fraiſins
E gonfanonſ uermelz blanz e porprins
Ciſt porprennent les planſ e leſ chemīs
Hui maiſ ert li chiēs lebreſ e lebreſ chins
E la ielde reſail del bruel ſauzins
E gida les con odeſ e baudoins
Ciſt tendrant maiſ hui dan lor enemīs
Folche fu duiz de gerre e eſſaiaz
E de gant coite e ſaiez e menbraz
El cheuauz ganz e forz e abrieuaz
E ſos cors fun ardiz entalentaz
E uai ferir oudin cui es iraz.
Tal li det en leſcut de ſoz lo braz
Quel deſtre ſor que chait leſ peceiaz
Poiſ na treſ abatuz torne uiuaz
E fez lo pres leuar daiqui o iaz
Atan es ſobres autres lo huz leuaz
Bertelais pres amon bertranz dalmaz
Celui cui fut nounſ e monſ claraz
Ni fu faite bataille ne cāſ remaz
