Apelet ſos cuſins e ceſ qua ſoing
Aciſt meſtiz franceiſ demiſ borgoing
Nos fait cai apparer lorguel dantoing
Reiſ de parlar midone tant uoſ oing
Que tot uoſ a tornat en autre coing
Trop a gant don del rin entroſ qau groing
Leu tornera ſa cors rei a non ſoing
Qui ſi grant onor gete forſ de ſon poing
Apreſ uin fu fait non a deiun
Maiſ non uoil perdre cent ne mil ꝑ un
Maiſ de folcon uoil ſiat enfrun
Eu trametrai alpaſ berart del brun
Quel me tramete a ais o a loun
E ſi faire nel uol eu doinſ chaſcun
Coniat de ſon caſtel cum li derun
E ſa tor e ſon mur fraigne e aſgrun
Tot len rendet marcet enſenble a un
Montent ile e ſa ſor el palefres
A cinc cent cheualerſ iſſent dorles
Toſ li ſordere fu uaſauſ cortes
Aicels a e pluiſors adunc conques
E par ſun les agarz can girarz mes
E ſunt eiſut del bos e dorlenes
La reine erberiat en erupes
E a dit a bertran que ne li pes
De cheuauiar la noit car coita es
Portez alpais iſ breu e ſiaſ mes
Quer li derai folcon que li promes
Por lui me uol gant mal lorguel frāces
Per tote ma onor ſi maiut fes
Nen uoil quel tiegne odinſ done lores
E diiaz mei girarz que ni anges
Si aucheſonſ i cres eu i trames
Non chai remaigne om quarmeſ ades
Si non eſt uiel diuſ clers u borges
E bertranz li clinet e rant marces
E quant ſe part de lui ſi ſeſt demes
Molt trobe bien garni roſillones
De cinc cenſ cheualerſ ab armes fres
E dez mile ſiruenz que de borges
De quan lor quert girarz rienſ ne ſofres
Portez alpaiſ iſt breu e dan folcon
Que facent tot aico quel deſpon
Eu irai apres uos ad auridon
Eſemble mei irant mi conpaignon
E cel de ceſt onor e de diion
Fai guiar baudoin au conte odon
Does ligueſ de plan del gaut darton