E carles reſpondet els abandon
Maiſ de girart non uuel faire traicion
Tan com ert en ma cort nē ma maiſon
Mais pois ſen partira qui gaardon
Li rendra de ſon mau eu li pardon
Bertranz de ual olec li filz beſon
Coſins germanz girart e dan boſon
Not melz enparentat en la reion
E tan bonſ cheualers com paire fon
Quant auit les paraules nol ſat ginſ bon
Partit de lor ſuaue e a ſairon
En uenguz en la cambre o girarz fon
E co que lai auit cai lor deſpon
Reine trait aſ conte girart
Sere non prenz conſel grant e eſgart
Quar tuit ſi anemi ſunt dune part
E li reis en creit ben cel plus gaignart
Alpais por dan folcon mourū regart
Deu ſiege a breu non guis a tart
La reine reſpont deus len eſgart
E dunt de gariment engig e art
E la conteſſe cor e ols de plor
El reine conort de grant ualor
Ne uos eſmaiez ſor por deu amor
Quant li reis uos ac tout uoſtre onor
Si me donat tot le ſecle ma ſoror
Diion e roſſillun caſtel e tor
Caſtellun mont argon e uaucolor
Eu les ai ſi gardat tot li pluiſor
Sunt replet e garni de grant ricor
En aiceſt non auez contraditor
E derai uos cheuau tau mouador
Oltre mar ne de cai ne cuit meillor
E ai enſanble o [mei] un uenador
Qui fun del nuriment uoſtre anceſſor
Cel uos en guierai a la brunor
E uos ſigrai matin igau lo ior
E menerai bertant e ma ſoror
Equi es lo mandat e el la cor
O toz ſes catre filz quot de ſaiſor
Si ſaz annar par bois a roſſillon
E oc de mige noit [t]ros ca diion
Or mi guidaz iſ conte per gaardon
Abanz ſerai ſes om e iſt fricon
Qui ſunt catre mi fil cheualer bon
E li cons lo receit e promet don
Car del plus paubre feſt puiſ ri baron
Ci non couent diſt droe longe razon