E uos ſi ſereiz cons ſe uos lamaz.
Eu ſi ferai diſel ſeiner aſſaz.
Lai la duient ꝑmangui e daumaz.
E fu tot enuiron granz libarnaz.
E ie li chaie aſpez de ſobre un graz.
Baſet locorduan dun fu cauchaz.
E li cons lendrecet entre ſes braz.
Aichi lieſtaint lire quel corliiaz.
Lai la prent amuller li cons palaz.
E pois not bon ſeruiſe egnet ſolaz.
Pois fu en li tan granz lumilitaz.
Qanc neſimes orguelz ne mauuaiſtaz.
Quant girarz eſapar ſunt beneeit.
Carles dis oent toz dai coq̃ue ueit.
A ſegun ſonuoleir le melz eſleit.
Non cuidaz de girart quen fols plaideit.
Seiner co diſt li cons oiaz mondeit.
Pois carles eſt tan lieus con le meſcret.
Semidonne fai tort ne eu neleit.
Queuli poiſſe aiudar de tot ſon dreit.
Co diſt tote la cors quel faire ou deit.
Eu lautrei co diſt carles ſobre ma feit.
E poiſ diſt aconſeil aſon recheit.
Trop ma girarz iſcons diplait deſtreit.
Mais enlicuit car uendre quore q̃ ſeit.
La cors ē ganz ecreis car fu mandade.
E girarz ſa muller ac eſpoſade.
Conplus la tec locons mais la amade.
Nen uis une tan saiue ne mels ſenade.
E eſt de toz bons ars deuite eparade.
E li reis uient a rome quele eſt donade.
E fu aſon talent aſeguarde.
Fu coronaz e ele coronade.
Enointe ebenoite e prinſeignade
E daichi en france la cors tornade
Girarz trames enanz ꝑ ſa contrade
E fait uenir conduit tant aleſtrade
De tote aichele cache quainc fu chacade
E poiſons daige dolce e de ſalade
Dunt fait ſeruir lo rei eſamaiſnade
Entros ſobre ſaoune en une prade
Na baron enborgoigne ques ganz e lade
Ne cheualier ne doſne ꝗ fuſt preizade
Caichi nait pauellon trat ofoilade
De quei fu la reine ſor toz onerade
Au matin ſou partirent aliornade
Carles en erberiaz ſobre ſaoune
Tiebert deuaubeton pres ꝑ lagone
Jſenbert ebrochart cui enrazone
Grant auer a girarz e terre bone
Des le rin tec ſonor troſque a baioune
E deuiſe eſpaigne per barçelone
