Non pois mudar ꝑ rin nimen ſoplei
Abances laprendrai com lar[enuei]
Girarz trait eliſant enunrechei
O ſei menet labat de ſant romei
E auchir un riu conte de bone lei
Cui uolet melz donzele mei oceſt rei
Se d ̄s maiut charz ſaigne eu am plus tei
Se maguſſaz orguel dit⁎ne deſrei
Jamais ne uos tangeſt doioſte ſei
Er le prendez donzele eu tou autrei
Eu prendrai ta ſeror ꝑ amor tei
Girarz torne aſbarons diſt ſon corage
Aiches plaiz meſt ml’t fers e de ſau[ua]ge
Sen uuel aueir fiance e bon oſtage
Con nel me tort a honte ne auiltage
E quel reis lemotreit emonlignage
Lo mien fui en alue ſenz omenage
Ꝑ aichez moz li content tuit li meſſage
Er me qert co diſt carles ml’t gn̄t damage
E ꝑ hoc ſel ferai ꝑ aicheſt gage
Girarz uert la donçele ca cors ſotiu
E facon e color e ſamblant piu
E diſt quel reis le tient top per auriu
E ietet un ſoſpir decuer penſiu
Larcebesques derains el ſin leſcriu
Carlon elapoſtoile trait ſoz un hiu
Don girarz ſe repent co uos aſiu
Mais coitas uoſtre plait ains ꝗl ſordiu.
Seiner diſt la poſtoiles il plaiz coitaz.
Abanz quel cons enſie toz coſſiraz.
E gardaç uos dorguil e deſtragaz.
E faitez tot au duc ſes uoluntaz.
Tot aiſi diſt carles don com uos plaz.
Lo reis enuait auduc e libarnaz.
De plus ſaiues barons e deſ letraz.
Duc fu girarz ꝑ ſanz genz razonaz.
E fu li ſaigremenz premiers iuraz.
Que cis plaz nelcre hontes ne grant uiltaz.
Nel reis ne li retraie tan ſei iraz.
E fu li ſos omages cuites clamaz.
E ſos fius en a leu toz autreiaz.
Mais carles eſt mauduiz enue(ziaz).
Le bois de roiſſilon erbage e praz.
Aichi cache ribere moz parentaz.
Poraico uuel don cons que me laiſſaz.
E girarz reſpondet don eu ſi faz.
Peraico fu li cons puis enganaz.
Lapoſtoiles paraule qel ml’t ſenaz.
Cons hui eſt la cors uoſtre eli palaz.
Prendez uoſtre muller de quei iaiaz.
Car tant eſgranz ſes ſanz e ſabeltaz.
Non eſt hui om tan ris nen fuiſt o(nra)z.