E mandet ſos franceis quel ſegent tuit
Meſſage en a girarz en lautre nuit
E mandat ſoudaders ab aceſt bruit
Prou lor dera argent e bon aur cuit
Enquer en ert bataille une co cuit
E mandet cheualers ꝑ tote terre
Cil qui uout bon auer girarz li dere
Deſ ci ca catre mile ſunt metre ſele
[F]ez eſpeaure tant aur e tant diner
Qui uunt tuit a diion qui quen peſere
Girarz e ſui nebont renqent tal gerre
De que fun toz dolenz taurit enquere
E tramet tros caſ monz ꝑ bergeinuns
Bouiers e alemans tros ca ſaiſuns
O ke ſat bon uaſſal aquel ſemuns
E pramet lor aſſaz e fait grant duns
Deſoz diion uirez en plans canbuns
Tenduz traus de colors e pauillons
Tant euſeines de giſes e tanz peinuns
Girarz uent en ſa cambre en un reſcuns
Aiqui preſt tal conſeil qui noil fū buns
Afublat mantel gris de porpre uos
E fut deuiat ꝑ flans e ꝑ peuz gros
Enquer eſt de ſa plaie (paill)es e cros
Coarz lei duiz (nol mal ſaine) ardiz fos
Car toſtens fun de gerre (ſos) talenz nos
Tro nos acodi ſel carles ꝑ(mo)s
Sa roſſillon a paz na loin repos
E ꝑ hoc a pour can ſi enclos
Seu ne (fuſſe naffraz) ꝑ mi lo dos
Li paſere ma lance entros as dos
E ſe mais ſe combat ke tant ſi os
A breus iorz er mermaz o genz ſes los
Greu pout iſir de gerre qui leu i entre
Com podenz de bataille maiſ carlō ueītre
Tot le meillor coſeil qūe ſai apꝛndre
Se garniſſe caſcuns de lui atendre
Se nos uol aſſalir e nos defendre
Au tornar ſe maneit li maire el mendre
Taus porie de ſeus baruns deſſendre
Por cui ferie plait carles mon ſendre
Vos en direz lo melz au mien ſenblāt
Car top auem ꝑdut en conbatant
Enquer auenz caſtels e auer tant
Que ben poden ſofrir tros ca un ant
E carles a mandat ſon rirebant
E uendra ſobre nos dira talant