Mais el non a talent ke uers un rie
Perdut ai roſſillon caſtel antis
Enſer a mige noit la carles pris
E ne quit iam baillaſt ſi n̄ trais
Ere men uen a uos en iſt pais
E cil reſpondēt ſempres cuns n̄ gecis
Seigner qui or uos faut toz et onis
Er uos cuide auer carles tot cōquis
Mais ainz ſera paſſade la ſaint denis
E ſet cent chaualer des ca(ſp rezi)s
Lo cablez qui auer ler blanchezis
Que uos ſeiaz plui donor faidis
E girarz lor reſpont ſeinor mercis
Can beſoin ueit lom ben cau les amis
Mais ia n̄ ert reis carles tant poteſtis
Lintrar del roſſillon uol ſie eſchis
Celz qui dinz remanront eu en aſis
Ja non uerunt la feſte ſaint denis
Que lous lor ſemblera loitans caitis
Carles del roſſillon uait a paris
E girarz tot le fez eiſi con dis
Carles fun a paris en ſon palais
A mandade ſa cort e te[c] ſos plais
Soi baron li demandent el lor retrais
Cauſ fun de fonafaire li forfais
Roſſillon lor touge qui me fu trais
Dieluns me fu genz e girart lais
Coinoiſſent uaus del conte ſes agais
Toz en deſſent lorguelz e li iamais
Girart fait de teuri la traiciun
E laquez a foucher e a boſon
Eu rent tant cō pois lo gaardun
Ꝑdut a roſſillon e auinun
Failli li ſunt li goz e li gaſcun
Se uie n̄ me fail e meu barun
Noi laiſſerai donor un plein baſtun
Mentres quel reis o dis ml’t li ſat bun
Non ſen pout eſcondire qui len apele
Bataille en feſt campal ſos mont amele
Torz lo getet de camp cui el cadele
Eu ſiual lencontrai cai uers bordele
Aiqui meſtraſt girarz une merele
Aiqui ꝑdet folcher ſun mareſcau
Lau ꝓuai con felon a deſleiau
Le ior tec eſperons car e cheuau
Atant uez lun meſſage qui li eſclau
Seiner dinz roſſillun a mal oſtau