E fu tros a la feſte de ſan romeu
Non laiſſe auer en france bon car ne leu
Ni rente en ſa anor cenz ne touneu
Tot nos face uenir aiqui o ſeu
E iuret n͞r͞e don e ſant andreu
Ne tornera deſtat ne ꝑ la neu
Tros roſſillons eſ ſons co que laigreu
Lainc ac un porter mal enreu
Fauſ creſtian felun plus dun iudeu
E gardet lune porte en lat en feu
Autre uez lot traide el e li ſeu
Tramet ſouent meſſage ſemblat romeu
Del rei la porte auer paraule e breu
Per quei traſt ſon ſeinor e ꝑdet deu
De ſa cambre ſancele uille dioſe
Pres les claus de la porte la cobeitoſe
E det les au porter cui fun eſpoſe
La nuit fun brune e negre clartaz noi lus
E il eſt del caſtel ꝑ un pertus
E uen au rei e dis ne uos [tr]aus
De la tor uos aport la clau de lus
E carles quant louit ſi ſen eſtrus
Preſt lo conte dangers e cel de clus
Luns a mil ceualers e lautre plus
Er auiaz de gloton com les adus
E uunt aitan ſoau cun ren ne crus
Ne paraule a ſon par ne grāt ne tus
Tros les ac en la tor el mur deſus
Lautrant de fuc conmes lo rei marit
E girart ſe ſedet la u durmit
Vit la clartat del fuc e ot lo orit
Darmes e de cheual ſon cors garnit
E ne furent mais catre a eſcharit
E uenguz al portal e at lubrit
E uit defors de lor tant el brunit
Per conſence milon lo duc niſit
Ne laiſſent cope daur ne bun henap
Ne paile no rodat ne autre drap
Dun mil parle au porter de ſoz un ſap
Tuit ſeu parent felon dis cel qui ſap
Furent toſtēs tracor li paire el pap
E dun mil au porter trenca lo cap
Caiſtias uos traicor de ſi lai gap
Fun roiſſillons trais queſt de mur clos
Eſcuder uant cercant crotes e cros
Ni remant cruiz ni chaſſe gone ne fros