Aiqui es uirent renes borgenon
Anc non finent dannar tros ca borbon
Anz que li iorz paresque ni ſolz el tron
Meſt la citat a feu e a carbon
Daiqui uait a neuers pois a diion
Aiqui aparent taus noues qui nol ſa bon
A folco diſ li bibes doſteun
Qui dun concile uent de mont loun
Quel reis a tout girart dun e uerdun
Vau color lon trait en pres monbrun
La nes annaz girarz a un eſtrun
Quan pout menar de gent n̄ lait negun
E folco auuit les noues aiqui eſ monte
Cheualers de maiſnade a mil ꝑ conte
En talent ac caiut girart lo conte
Con uende au rei ſon dol la ire e lonte
Mult eſt dolenz girart car ꝑt ſon reine
Cuidet ſon dol ueniar mais plus laeine
Anz ſe fun conbatuz ke folco i ueine
Mais non at la uertut quel camp mainteine
Lo cons i fun uencuz muz de ſenſeine
Diſt non ſat mais donor ꝑ quei la teine
Pos dex non lame tant ke len ſoueine
Carles erberge el camp mouer nos deine
E fait tendre ſos traus e feus de leine
Ja no quit diſt orguel que bens li preine
Abanz tornert iraz que ſpade ceine
Non quidaz de folcon quil ſe refreine
Tro ſun dol e ſa ire ſobrez eſtaine
Folco lo cons chauauce a ire plene
Girart lo uait noncar git de rauene
Lo cons oit les noues tiret ſa frene
Quā̄t ueit uenir folco par la uarene
Tot oblidet le dol del ioie quel meine
Non i manget la noit nuns ne ſi ceine
Ne cheuaus tant fuſt chars un grā de aueine
Aſaz ſunt coſdumer de ſofrir peine
Quan uit li cons del ior la prime eſtrene
Moſtra lor com la nuit cobret ſalene
Li ior ſunt lonc de mai pauche la nuiz
De lor armes portar lor fun ennuiz
Volentiers ſe dormic ques uaiz e nuiz
Mil en iazunt ꝑ praz nō exſen puiz
Folco les uait ferir au iorn paruent
Mil en trobent ꝑ prat ſenz garnement
Non ant darmar lezer tant les ſoprent
Bos e gilberz les uant toz ocient
Au rei non ſunt darmat mais catre cent
A ces les cort ferir iradement
Tros recoinunt folcon a ſa gant gent
E ueit ſoz les enſeines tan elm luiſent
Non pout mudar de ches non ſeſpouent
