Qui muiris en mauſon ni en ſoler
Si non en grant bataille a freit acer
Ne ia non quer portar lo reprouer
Mais daico ten mon dan a plus leger
Que mais i a des lor morz a ſobrer
Ere ſen uait girarz mais ml’t a pou
De la gente maiſnade ke menar ſou
Bernart lo conte meſtrent a carou
A une paubre egliſe de ſoz un fou
En ke pois out de deu corone e clou
Mil cheualers uiraz eſcuz a cou
Cuns ne le porte enter uermeil ni blou
Li plus clar ſunt malate e mel ſan rou
Tant eſt caſcuns dolenz del dol que ou
Non cuit ſel cons ſen plam quel reiſ ſen lou
Se girarz e li ſeu ſen uunt plorent
E li baron carlon reſtunt dolent
Quer el camp ſun ocis lor ben uolent
Ja n̄ gaennaſt lo reis ne ient
Si non fuſt la onors ca fort ꝑprent
Per engin de donar a ſon argent
Cil qui a bon caſtel au rei lo rent
E quant girarz i uent ſi li content
Tuit li faillent ſi ome e ſa gent
Ne mais li borgeinun cil ſeu parent
Caſtels uait e citat girarz cerchant
Ni pout a pan de force intrar na gant
Carles lor a prames e donat tant
Que tuit ſe ſunt liurat a ſon comant
Quant ueit li cons del rei ſil uait mermant
Dun demandet folcon cal la ferant
E folco ſi ꝑpenſen en cal ſenblant
Li eſteine la ire el fer ſemblant
Seiner co reſpont folco daico nos cal
Por ſenebrūs fu pres el ric catal
Eu non cre eu gaſcon ne ꝓuencal
E ꝑ hoc lau ire e mei uaſſal
Si pois en auinun dinz le portal
Carcaſone e beerz nens e genual
Cuit auer conqueſu tros qual nodal
Er ſe partent li conte a ſain marcal
A ſain marcal ſo partent li baron
Girarz ſen uait li cons uers roſſillon
A ſei menet gilbert e don boſon
Mil cheualer ſen uan a dau folcon
Anz quentres en ꝓuence la reon
A encontrat meſſages dauinon
Que laſerun de dinz la genz carlon
Li borzeis lont rendut ꝑ traicion
La citat e le borc e lo dangon
Per ſa fere iuſtice e ꝑ ſon don
E folco quan lauit dolens en fon
