Quai qui fu morz auchers el cons ginarz
Armans lo dux de friſe el cons acharz
Ei fun nafraz a mort le cons bernarz
Per hoc ſi fu confes lo cons iaillarz
E uisquet del diſade tros cau dimarz
Jraz ſen uait lo reis de ſeus de tras
Quant lai uen apoinent li bebes gras
E a li eſcidat reis oiras
Genz ſocors teſt creguz or o ueiras
E bos lo uait ferir aut non en bas
Tant com pograz lancar un rei deſcas
Lonet lo cap del bu tan pres lo ras
Pois li rouet cantar ſun ſeculas
Atant ſorſtrent li lor plus ke lo pas
Mil en uirar iacer ſainanz lor dras
Qui querunt corpre dome uesquilas
E ſet mile en ai el camp remas
Quns ne quer ne demande mais tˉre ouas
E girarz ſe clamet pechaires las
Cas fait de tos barons cui amenas
Mais uuel ob es iacer ꝑ ſain thomas
Quel moneſter ſain piere dins lo cōpas
E folco lo clamet fol ſatanas
Ja i poz morz iazer ſi nō ten uas
E qui por tei i reſte flamme labras
Anz ke uenunt gaſcon ne peiteuin
Ne normant ne manſel ne angeuin
Fu toz li iorz aunaz ſi en declin
Quil ne ſorent cal ſunt lor enemin
E ꝑ h• ſi unt trat leſtor a fin
Que girarz ſen eiſit e ſui cuſin
E carles iac el camp tros cau matin
Lo ior li ſunt uengut trei cent roncin
Cariat deital auer com eſterlin
Quel rendent de treut oltramarin
Ere prendes dis carles mei amin
Ane nacointet girarz ſi mal uezin
Tote li a gaſcoine e carorſin
E peitau e auuerne e limozin
E delai alemaine entrues cal rin
Or a ꝑdu bernart lautrer ſeigin
Vn pauc a bos lo trache lo cap enclin
Recaubut a girarz gant enconbrer
E fait lo cons un dol aitant plener
E regrete ginart el conte aucher
Armant lo duc de friſe e berenger
E landri de neuers ſon conſeller
E ſobre toz bernart lui e folcher
Per deu co reſpont bos plorar n̄ quer
Car tuit eēm nuirit deital meſter
Eſeinat e apres e coſdiner
Quanc uns n̄ a parent a cheualer
