Caſcuns ſe uait clamant dolent chaitis
Vi andefrent cons fraire chars amis
Si cel qui uos a mort ſen torne uis
Ja deus ne nos aiut ne ſaint denis
Aimeris fert folcher en leſcut bis
Que ſenſeigne e ſa lance outre li mis
E aimes de ſa lance eme le uis
E trencet li la caire e la ceruis
E crabentent lo mort en un concis
Aico fun dons e danſ de prot marquis
Mieldre uaſſaus ni reſte ni tan puis
Bos e bernarz lo trobent iacent enuers
E dautre part landri qui tenc neuers
Vraire bos diſ bernarz car les requers
Vant ferir aimeri el blizon pers
Den uoil uaut ſos eſcuz ne li obers
De lor lances li paſſent outre les fers
E trence li lo cors la char elz ners
E crabentet lo mort en uns deſers
Bos dis un reꝓuere qui fu fers
Lo gaeldun te rent tal com deſers
Nol receura ꝑ uos u͞r͞es culuers
En apro uen poinent folche e girarz
E dun gilberz lo cons de ſeneſgarz
E de la uent au rei li dus berarz
Gacel uiſcons de droes e uielarz
Aſ dereres eſcheles les genz ſes parz
Nen eſtorz mige ſans co cuit li carz
A carlon fu li dans lire e leſcharz
Senſeine eſt caagude e leſtandarz
Sos dragons e ſos traus peinz a luiparz
Si li uunt abatant con fus esarz
Quan la uenc apoinent bibes brocarz
Vns clerges malaes de males arz
Qui fun parenz au rei fraires baſtarz
E a li eſcridat oiras coarz
Ver la cit de peitiers uuel que regarz
Cheualers e cheuaus ros e liarz
J pos ueer uenir de moutes parz
Toz eſt uencuz girarz con fel traarz
Qui tes omes ta morz tos caſtels arz
E bos diſt qui loit tot i menz garz
Atant ſorſtrent li lor ꝑme uns ſarz
Li dux git de peitiers e gihomarz
E aurei de bretaigne uiſcons ricarz
Ere cuit de girart que top ſi tarz
Lai o lo cons encontre lor eſcobarz
J ꝑdet borgeinus e proz lonbarz
Dex cal ſeinors lai pert mons beliarz