Landris e auberis ſunt encontrat
Ferut e crabentat a mort nafrat
Si non maua tor ces qui unt ioſtat
E contaue caſcun con ſe conbat
Non aurie demandit la meitat
Bos e folco e bernaz funt gant caiſat
Qui ne ſunt mais ſet mile ob et darmat
Sun carlon a des mile del camp getat
Mais abanz quil les aient tant reuſat
Con fol trait uns arcers ni encauat
En reſte mort el camp luna maitat
El focon reſunt ml’t aclairat
Dunc out carles pauor e cor irat
Quant trei mile alemanz ca recelat
Reclamet a un corne eſtre ſon grat
E cil ueinunt eſtreit e tuit ſerrat
E trobent la bataille com ſūt meſclat
Li baron ſon partit e dereniat
Cil quil ueniunt caucat les ant trocat
Que does uez ſen ſun outre paſſat
Alemant uunt cantant lor chirieles
Folcers les uait ferir e agenes
E ne ſunt mais trei cent e treinte ſes
Mais antretant de gent ne ferunt pes
Qui ꝑ mile ſet cens outre ſen tres
A lautre tor daiquez neguns n̄ es
De queſt camp fu toſtens a girart pes
Agenes uen poinent ſobran de roc
En un cheual de prez naz de maroc
No uis hui cheual’ ſi trenc ne troc
El ne conſet celui mort nel deſroc
A gonfanun uermeil qua portet croc
Lai o fu crabentaz pecaz li noc
Cel ne lo ueit de lor ſor lui ne broc
Ne li uaut ſis obers un pan de froc
Tante len fun feride qanc pois nos moc
Quant ueit folchers des ſeus tuit ſūt deſrot
E agenes murir ka pres tan bot
E andefret uenir qui diſt lai mot
A la fei deu folcer nos prez ni dot
Vi ꝓueren girart a trachor tot
E folcers li reſpont mintez i glot
E eu ſoi om girart al conte prot
E faz i quel maluaz ke tant leſcot
Folchers fert andefret en loberc blanc
Que tot li feſt uermeil e teint de ſanc
Que li trencat lo cor le fege el flanc
E crabentet lo mort adenz el fanc
E dis querez ꝓueire e queus eſtanc
Lo parlar del trair mar uiſtes anc
Eu defent girart lo conte franc
Aimes nenc apoinent e aimeris
