Aiqui es nai forfait lonor e deu
E girart ſuſpiret e fu li greu
E iuret ſautre part ſor ſun eſtreu
Deu en trai a garent le ſpirital
E uos ſiaz ſiaz oſtaie e meu catal
Que iamais non ferai men ome mal
Sen ogiſaz diſ folco fait autretal
Or at paiſſet ſet anz des iſ nodal
Eu quel ū crienſent li tuen reial
Ji eſt uenguz asex broc el cheual
Seinor garniſez uos deſtor cāpal
Lo cons girarz uos mande raçō leial
Vos non eſ gienz gaſcoin ne ꝓuencal
Mais baron borgenon ſui natural
Jamais n̄ fera tort ne deſonor
A conte na demaine na uauaſor
E eu en ſui oſtages a cel menor
E reſpondent li conte e li contor
Set nō ogeſt maleze tant e felor
Ne li ogre tout carles caſtel ni cor
Non em guis ꝓuencal ſeu traitor
No li couen auer de nos pauor
Er cheuauche girarz a grāt baudor
E erberia la nuit ſos aute flor
Meſſage en ac lo reis en lautre ior
carlon ant gaſcon coniat queſit
Peiteuin e berton en ſūt partit
E ꝑ hoc nes remas tant eſcharit
Non ſiunt trente mile uaſſal eſlit
Atan ues lu meſſage qez girart uit
Lo reis mande ſes omes e a lor dit
E trameſt por toz ceus qui ſūt partit
E ꝑ duc de peiteirs queu los agit
Lun clamunt aenri laute auberic
Lor ſor fun la moillers au duc teuric
E lor nebut li fil cui bos delic
E puiunt en langarde ſoz un laric
E uirunt con girarz ſa gent partic
E con fat ſes eſchales e deuic
Carles iſt des arbers e ſoi nuiric
Aſ li premers uengut conte aienric
Seinor girarz cauauge car eu uic
Mais aueu gent de lor co uos afic
E carles dis aſeus li mei amic
Cil ca tendu ſon trau pal nō deſfic
Equenuit i gerem ſegur e ric
Qe noi fuſt traus baiſſaz ni pauilluns
Ne cheueſtre oſtaz traiz ne paiſſuns