E getent le de trat fors enpennent
Ꝑ hoc li ſunt ami e ben uoillent
Monte bege el cheual ſes armes prent
E arbers lo gidet con ſun parent
La o beges ſe part del conte arbert
E la noit erberiat en un deſert
A un ſant ermite a un conuert
E daiqui a girart ſon don quil ſert
E li cons li demande que tant ꝓfert
Molt le troba felon de mal a cert
Nos laira mais onor tro na ſofert
Anz naura dis girarz lo cap ouert
Non laia tan conques con deca pert
Eu e li men lon fait ample deſert
Deci qūe loherenne a ſant lanbert
Non pout fors mur franc ne cuiuert
A tant e uos folcon e dan gilbert
Bos e folco e gilbers uun a un conſeil
E demandent que dis carles lo feil
Ja non ert ben a nos ne uos ob eil
Si noil renz roiſſillon ꝑ lo correil
Anz naura dis girarz lo cap uermeil
Anz no uiſtes mais rei⁎ental es deil
Que ſeriaz un ioen a ſon orteil
Nos denerie ſol tornar lo ceil
E ꝑ pau que nō preſt ꝑ lo capeil
Quāt me gidet arbers e ſui danzeil
E erberiai la noit de ſoz un teil
A un ſant ermitan tote nuit ueil
Ne ſai al de caſcun maiſ ſapar̃eil
Quel reis gira unuit ſoz mōt moureil
Diſſade er enſiual eugal ſoleil
Au partir ne fiſt top irat carait
Quāt eu li ꝓchai de tei lagait
E uolgi mei conbatre que nol aſ trait
Mais une ren me diſt dunt eſtait lait
Oent toz ſe uanet el ma retraait
Toz li melz de ta gent o lui ſen uait
Por lo tort e ꝑ lonte que lor aſ fait
Cuidaz de cheualer que nol peiſt fort
Cui ſon ſeindre fait mal e meine a tort
Qui nen uuelle ſon dan il o ſa mort
Per tant ꝑdez la terre tros ca dunort
Des auenches la cit a clauſa al port
No laiſera co diſt qui uos cōnort
Vos nen auez caſtel quel pres un ort
Tot uos fera faidiu co troben en ſort
Par mon cap co diſt folco aco ſai eu
Ꝑ aitant uan bauzant girart li ſeu
Carlon trobat felon mal e enreu
Tant con pout lor fes lait e mal lor feu
Poz fai tort a mon ome e dreit li ueu
