Ne couengeſt laman au ſain pauſar.
Aiſi com il le ſorent melz deuiſar.
Lapoſtoiles paraule qua ſen ſoutil.
Seiner er fai delautre girart tonfil.
Car non ſai plus riche omne tan gentil.
Tot aiſi com tu uols co reſpont il.
Lai laduient ſigriu ebegoil.
Ela cors couinent e uirgenil.
E facon e color tant ſeignoril.
Comun laueit tan ſaiues ꝗ gaires chil.
E qui de ſa beltat non mere uil.
Per aicheſte tint carles laſoeuil.
Per quen mugrent tal guerre etal peril.
Dunt tornerent les regnes amal eſcil.
Apres parlet labaz de ſant romiu.
Non ueen ces uertuz de saint andriu.
Saint iohan e saint pol e saint mathiu.
Des autres e daiches dicel ai eiu.
Fait apelar florenſ ſonbibe griu.
Qui guarde las uertuz e lis lobriu.
Girarz laperaires elapoſtoile.
Jntrerent el moſter del capitoile.
El reis les enmenet enſa crotoile.
O iaçent li apoſtole dunt amílmoire.
E il faz apelar ſon bibe floire.
Qui garde les uertuz e lis leſtoire.
Jlli pregnent marcei e aiutoire.
Que deus onor lor dont uertut egloire.
E pois uolunt annar aubraz ſaint ioire.
Ainz lordet charz eſpecies emandegloire.
E quant lor out moſtrat leſ deu fillols.
Ses menet enſa cambre ſoz uns aruols
Dunt fu de uaires gemínes ioncaz liſols.
Li reis dit acaſcun pren encon uols.
Pels negres ſebelines lor mes aſ cols.
E donet lor anels botuns e bols.
E porpres eſamiz e pailes nols.
Detriache e debaſſeme plains lor orcols.
Cil qui mauis enportet toz cis pluſ fols.
Preizet ſon don enfrance cent mile ſols.
Lamperaire ē dious chenus ferranz.
Einc non uis tanbel uiel non uerrai tanz.
E a ſen e largeze e gen ſamblanz.
Quant out fait aſ barons toz lor talanz.
E moſtret de taus ious per nígromanz.
Dunt li plus ſaiues fu merrauílanz.
Sidet tant aſes filles aur ebezanz.
E dras de ſede e pailes acharamanz.
Dous mile chames carianz amblanz.
E donet cadune catre olifanz.
Cariaz deuaiſaus dor obraz pezanz.