Page:Roman de Ponthus et Sidoine - MS 356.pdf/110

qui se fist contre les sareazins(sic) et les paiens Et y amena des barons de bretaigne, daniou du maine, de poitou, de touraine et normandie Cest assauoir le conte de mortaing, le viconte dav- renches, Tesson et paenel a[et] grant chevalerie, des normans du maine hongres de beaumont, Guy delaual et plusieurs manceaulx daniou, pierre de dre[Doué], landry de la tour, guillaume des Roches, le sire dauer, monte Jeahan, et des ***e pais *** de poitou le sire de lezignen, guy de tronars, leoncel de manleon, et hugues de partenay et plusieurs pritenins, de touraine, hubert de mailly, huddes de baussay, et pierre damboise et plusieurs tourangeaulx et, le plus des barons de bretaigne et de toute la chevalerie Si yeut quant Ilz furent assembles que deulx que de ceulx de Gascoigne xiiiim (14 000) qui desconfirent les paiens Et y fut fait moult darmes Et prins villes et chasteaulx puis se misrent sur mer Et sen retournerent chacun en son pais et moult se louerent du Roy ponthus Car moult bien leur paia leur gaiges et grans dous, et grans campaignies leur fist tant quilz disoient quil nestoit cheue- taine que lui Et quil estoit trenchie aconquerre touz pais moult estoit loue de sa grant chevalerie de sa grant largesse de sa grant courtoisie De son humblesse et de sa grant preu- dence Car toutes bonnes tesches(sic) et bonnes meurs estoient en lui selon dieu et selon le monde et si estoit toute beaulte Et de lui estoit une grant merveille Si en deuoit grant guererdon(sic) a dieu Il fut une piece en galice Et puis sen Reuint en bretaigne et ala veoir son Cousin qui la estoit Roy dangletre Et moult fut Receu a grant joye Et ne demandes pas se la Royne en auoit grant joye et se mectoit grant paine a le festoier Et apres vint le Roy polides en bretaigne et gascoigne veoir son pere et ses parens et leur donna de grans dons et de grans presans Et puis sen Retourna en bretagne La fut moult festoie et honnours Et puis sen retourna en son Royaume Le Roy ponthus et sa Royne la femme