que visans que le Roy morut Et polides fut Roy doulz et paisible et se amenent le Roy et sa Royne sa femme et moult bien Regna Si laisse le compte a parler delui Et Retourne au Roy ponthus
Le Roy ponthus charga sur mer lui et ses barons et vindrent arimer en bretagne Et puis vindrent acourt La fur et receuz a grant joye de toutes manieres de gens Et puis quant ilz y eurent este six jours Geffroy de lezigneu et landry de latour et les aultres estrangiers sen partirent Et ponthus leur donna de grans dons, et les mercia, et les Retint comme ses compaignons et les conuoya dune lieue voulsissent ou non, et puis prindrent congie Et de puis le roy de bretaigne qui moult viell estoit ne veisqui(sic) que en tous troys ans Si fut Roy ponthus et moult fut ames des nobles et de tout le peuple moult fut sien[saige] et droicturier et charitable aux pouvres moult s’entrame- rent et porterent honneur lui et la Royne sa femme et moult usurent de bone et saincte vie Et quant la court se Remuoit dun lieu a aultre Il faisoit crier que touz ceulx a qui Il deuoit aulcune chose fust de prinses dremires[denrees] ou de quelconque chouse quilz venissent Il les faisoit paier Car il disoit que ceulx estoient foulx qui se atendoient a leurs hoirs ne a leurs exequteurs Car pou(sic) en estoit acomply et mesmement ceulx qui tiennent le leur tant comme Ilz le peuent tenir Lors alerent demourer en galice ung an ou ilz furent moult amez et honnourez et crains Si mercia moult le conte descure le Roy ponthus son nepueu[neveux] de lonneur ou Il auoit mis son filz polides puis donna le roy grans terres et heritaiges a patrices qui lauoit sauue[sauvé] en la nef et qui tant de bien auoit fait en son pais moult porta la Royne sydoine grant honneur ala bonne Royne la mere son seigneur Le roy enuoya querir son oncle, le frere sa mere, le roy darragon, les barons de galice Et fist grans joustes et grans feste qui durerent x[10] jours puis alerent lui et la Royne en pelerinaage(sic) a saint Jacques en galice et puis vint Il en espaigne ne demouru gueres a la guerre
