Cette page a été validée par deux contributeurs.
10
LES ŒVVRES
Que le braue acoutrement :
Ia deſia ell’ faict couſtume
De choiſir l’ancre & la plume
Pour l’employer doctement.
Auſſi le Ciel qui a cure
De vous mes Dames, vous iure,
Et ne iure point en vain :
Que vous pourrez de vous meſme
Vous venger de la mort bleſme
Sans mendier l’eſcriuain.
Le Clain & ſa riue mole
Admirant la docte échole
D’vne ſi douce leçon :
Furiant contre l’enuie
Donnera pour iamais vie
Aux vers de voſtre façon.
Ie vay par vn riche Temple
Pour raporter quelque exemple
Des Dames d’exellent pris :
Mais pour le trop d’abondance
Ou pour mon inſuffiſance
Ie n’en ay beaucoup apris.
I’y ay pourtant ſceu aprendre
Comme la mere d’Euandre
Les Arcades gouuerna,
Par le moyen des loix ſainctes
