Lib. de Senect. On la peint aagée, pource qu’au dire de Ciceron, vne Vieilleſſe honorable eſt ſi pleine d’Authorité, qu’elle ſurpaſſe de bien loin tous les autres plaiſirs de la vie, comme eſtant la ſource de la Prudence & de la Sageſſe : d’où il s’enſuit auſſi, Que les ieunes doiuent obeïr, & les vieillards doiuent commander.
Elle eſt aſſiſe en vn Thrône, à cauſe que cette action, propre aux Souuerains, & aux premiers Magiſtrats, eſt vne marque d’Authorité, & de tranquillité d’eſprit. A raiſon dequoy les Iuges, qui ont puiſſance d’abſoudre & de condamner, ne le peuuent faire ſelon les Loi, s’ils ne ſont aſſis.
Son habillement eſt plein d’eſclat & de pompe, pour monſtrer la grande preéminence qu’ont ſur autruy les perſonnes de condition & d’authorité.
Les Clefs ſignifient cette meſme puiſſance, & particulierement la ſpirituelle ; comme il nous eſt declaré par ces paroles Math. 16. de Iuſus-Chriſt, parlant à ſainct Pierre, Ie te donneray les Clefs du Royaume des Cieux, où ſera lié tout ce que tu lieras ſur la terre, & tout ce que tu deſlieras y ſera pareillement deſliée.
Or ce qu’elle hauſſe la main droite, comme ſi elle vouloit eſleuer au Ciel les Clefs qu’elle tient, eſt pour nous apprendre, comme dit S. Paul, Que toute puiſſance vient de Dieu ; & par conſequent, Que tous ceux qui releuent de celle d’autruy, ſont obligez de la reconnoiſtre, & de s’y aſſujettir.
Quant au Sceptre qu’elle porte, il eſt vne marque de la Puiſſance temporelle, comme les Armes qui ſe voyent à ſes coſtez en ſont vne autre ; Et les Liures vn ſigne expres de l’Autorité des Eſcritures.
Avrore. XVII.
Ette belle Fourriere du iour, à qui l’on donne des
aiſles comme à la Renommée, ſe fait remarquer
par le vermillion de ſes jouës, & par ſa robe de
couleur jaune.
Elle tient vn flambeau d’vne main, & ſeme des fleurs de l’autre, ſereinant l’air à ſon arriuée, qui cependant reſioüit la terre & les plantes, qu’elle arrouſe de ſes larmes.
Ses Aiſles figurent la merueilleuſe viſteſſe de ſon mouue-
