ment de la premier Herbe que l’on trouuoit dans l’enclos de la place qui auoit eſté bouclée, fut au grand Capitaine Fabius vn prix illuſtre de ſa valeur, qu’il receut ſolemnellement de tout le corps du Senat, apres qu’en la ſeconde guerre des Carthaginois contre les Romains, il les eut contraints de leuer honteuſement le ſiege, qu’ils auoient mis deuant la capitale ville du monde. Pour la meſme fin encore s’il arriuoit que dans la meſlée quelqu’vn des leurs ſauuaſt la vie à vn Citoryn, ils luy ſouloient donner vne Couronne de Cheſne. A quoy ie veux croire que cét Arbre eſtoit particulierement deſtiné, à cauſe que les Anciens l’auoient en grande veneration, & que les glands qu’il produit leur ſeruoient de nourriture ordinaire. Plutarque neantmoins ne demeure pas d’accord de Quæst. Rom. cette raiſon, qui eſt rapportée par Aulegelle, & en allegue quelques autres, qu’il dit eſtre plus vray-ſemblables. Mais quoy qu’il en ſoit, il eſt tres-certain que ces deux Couronnes eſtoient le prix honorable de ceux qui auoient bien ſeruy leur Patrie, l’amour de laquelle ne peut regarder la conſeruation de tout le public, qu’elle ne comprenne celle de châque Citoyen en particulier.
Le precipice qui ſe void ouuert aux pieds du Soldat que nous dépeignons, auec leſquels il foule ſans crainte toute ſorte d’armes, nous aduiertit qu’vn vray Citoyen n’apprehende iamais aucun danger pour l’amour de ſa Patrie ; En cela ſemblable au renommé Curtius, Cheualier Romain, & au valeureux Anchur, fils de Mydas Roy de Phrigie, qui pour ſauuer leur païs des contagieuſes exhalaiſons qui ſortoient d’vn gouffre eſpouuantable, s’y precipiterent volontairement ; Ce qui monſtre aſſez combien doit eſtre recommandable aux courages nobles le ſeruice de leur Patrie ; & qu’auec beaucoup de raiſon Neſtor dans Homere, pour mieux encourager les Troyens à combattre les Grecs, leur dit ces paroles,
Iliad.. 19.
Courage, compagnons, ſuiuez voſtre deſtin ;
Attaquez les vaiſſeaux de ce Peuple mutin,
Et que pas vn de vous lâchement de n’eſtonne
Des atteintes de Mars, ny des traits de Bellonne ;
Vous ne ſçauriez mourir d’vne plus belle mort.
Le ſage Lycurgue, grand Legiſlateur & grand Roy tout
