paſſion qui les entraine apres ces vains & ridicules amuſements, elle n’eſt iamais ſi forte que le Temps n’en vienne à bout, & qu’il n’en voye la fin auſſi bien que le commencement. Mais l’experience monſtre tous les iours qu’il ne peut deſtruire l’Amour dont nous parlons, non pas meſme par la mort, puis que c’eſt par elle que ceux qui ſe ſacrifient pour la Patrie s’ouurent vn chemin à l’immortalité : Ce n’eſt donc pas ſans ſujet que pour la ſeruir au prix de leur ſang, tant de grands courages en cherchent ſi paſſionnément les occaſions dans les Pays eſtrangers. Que ſi par le ſort des Armes ils s’en retirent la vie ſauue, apres la glorieuſe ſatisfaction qu’ils ont de s’eſtre portez en gens de bien pour la defence de leurs foyers, de quels deſir ne bruſlent-ils point d’y retourner pour en reuoir la fumée ? Certainement celle d’Ithaque plaiſoit ſi fort à Vlyſſe, qu’il ſe l’imaginoit plus agreable que n’eſt vne belle nuée qui enuironne le Soleil qui ſe couche ; & quelque petit que fut ſon village, il n’en eſtimoit pas moins les mazures, qu’Agamemnon priſoit les murailles de la grande ville de Mycenes : Auſſi ſçait-on bien que les hommes aiment leur pays, pluſtot à cauſe qu’ils y ſont nais, que pour la grandeur & la fertilité qui luy donnent de l’eſtime.
Ouid.
Sans mentir l’air natal a des douceurs extremes,
Et defend aux mortels de s’oublier eux-meſmes.
Ce que les peuples les plus barbares ayant touſiours reconnu, pour n’eſtre reueſches aux ſentimens que la Nature leur en a donnez, nous pouuons dire veritablement auec vn ancien Poëte,
Euripid.
Qu’aymer vn païs eſtranger
Plus que celuy de ſa naiſſance,
C’eſt auoir peu de connoiſſance,
Et l’eſprit, ou foible, ou leger.
Noſtre Guerrier porte en ſes mains deux marques d’honneur bien ſignalées & dignes de luy. La premier est vne Couronne de Gramen, ou d’Herbe ſimple, que les Anciens auoient accouſtumé de donner à celuy de leurs Citoyens, qui par quelque action extraordinaire auoit deliuré leur ville de la violence des ennemis qui la tenoient aſſiegée. Cette Couronne, que l’on ne priſoit pas moins que ſi elle euſt eſté de fin or, ou toute brillante de pierrerie, & qui ſe faiſoit ordinaire-
