Le texte de cette page a été corrigé et est conforme au fac-similé.
| Repentance des pechez. | Regret. |
|
|
| Restitvtion. | Reformation. |
|
|
Repentance des pechez.
A Repentance que nous deuons auoir de nos fautes,
nous eſt demonſtrée par vne Femme couronnée d’hyſope,
tenant d’vne main vn Rameau d’oliuier, & de
l’autre vne Diſcipline, auecque ces mots, Delictvm mevm cognitvm tibi feci. Le Rameau d’oliuier eſt vn ſymbole
de la paix que le Pecheur fait auec Dieu par le moyen d’vne
vraye Repentance ; & la Diſcipline en eſt vn autre, puis qu’il
s’en ſert à macerer ſon corps, & à le mortifier par abſtinences,
par ieuſnes, & par prieres. I’obmetz que la Guirlande d’hyſope
ſignifie que nous ſommes purgez de nos pechez par la Penitence,
conformément à ces paroles de Dauid, Aſperges me Domine hyſopo, &c..
