Le texte de cette page a été corrigé et est conforme au fac-similé.
| Foy catholicq. | Foy d’amitié. |
|
|
| Grace divine. | Govvernement de la repvblicque. |
|
|
Foy catholique.
ovs voyez icy quelle doit eſtre la vraye Foy, par la
Figure de cette Femme. Elle porte vn Caſque ſur la
teſte, vne Robe blanche, vn Calice d’vne main, & de
l’autre vn Cœur, auec vn Cierge allumé. Le Caſque nous monſtre,
que pour auoir vne veritable Foy, il ſe faut mettre à couuert
des armes des Ennemis, qui ſont, les raiſons naturelles
des Philoſophes, & les ſophiſmes des Heretiques ; Par le Calice,
qu’elle regarde fixement, que c’eſt là principalement que
nous deuons addreſſer nos eſperances ; Et par le Cierge allumé,
qui ſe voit joint à vn Cœur, que par cette Vertu infuſe en nos
Ames, ſont diſſipées, comme dit S. Auguſtin, les tenebres de
l’Ignorance & de l’Infidelité.
